औरंगाबाद : गीत व कवितांच्या माध्यमातून लोककवी वामनदादा कर्डक यांनी आंबेडकरी विचारप्रणाली तळागाळात पोचवली. या कार्याचे महत्त्व ओळखून वामनदादांच्या जीवन कार्यावर प्रकाश टाकणारा ग्रंथ डॉ. बाबासाहेब आंबेडकर मराठवाडा विद्यापीठातील लोककवी वामनदादा कर्डक अध्यासन केंद्र प्रकाशित करणार आहे. कर्डक यांच्या हस्ताक्षरातील आंबेडकरी गीते, त्यांनी लिहिलेली पत्रे आदी साहित्य अध्यासन केंद्र प्रसिद्ध करणार आहे. वामनदादांची दुर्मिळ छायचित्रे, गीते व पत्रे अभ्यासासाठी अध्यासन केंद्राला द्यावी. त्यांची नावे कृतज्ञता यादीत प्रकाशित करण्यात येतील, असे आवाहन केंद्र संचालक डॉ. युवराज धबडगे यांनी केले.
वामनदादांवर ग्रंथ प्रकाशित करणार
गीत व कवितांच्या माध्यमातून लोककवी वामनदादा कर्डक यांनी आंबेडकरी विचारप्रणाली तळागाळात पोचवली...
महाराष्ट्र टाइम्स.कॉम 22 Jul 2019, 4:00 am