म. टा. प्रतिनिधी, औरंगाबाद
महापालिकेतर्फे सुरू करण्यात आलेल्या विशेष वसुली आणि नियमितीकरण सप्ताहात शुक्रवारी दिवसभरात एक कोटी १५ लाख रुपयांची वसुली करण्यात आली. त्यात मालमत्ता करापोटी ९९ लाख १० हजार आणि पाणीपट्टी पोटी १५ लाख ६९ लाख रुपयांचा कर वसूल झाला. विशेष म्हणजे महापालिकेला खुलताबाद उरुसाच्या निमित्ताने सुट्टी होती. सुट्टी असूनही अधिकारी-कर्मचाऱ्यांनी ही वसुली केली.