रिया, संदेश, मानवचे सनसनाटी विजय

रिया, संदेश, मानवचे सनसनाटी विजय
राष्ट्रीय मानांकन टेनिस स्पर्धा
म. टा. प्रतिनिधी, औरंगाबाद
संदेश कुरळे, मानव जैन, रिया भोसले यांनी मंगळवारी चौदा वर्षांखालील राष्ट्रीय मानांकन टेनिस अजिंक्यपद स्पर्धेच्या दुसऱ्या फेरीत सनसनाटी विजयाची नोंद केली.
विभागीय क्रीडा संकुलातील एन्ड्युरन्स टेनिस सेंटरमध्ये ही स्पर्धा सुरू आहे. मुलांच्या गटात संदेश कुरळेने आठव्या मानांकित विश्वेश पटेलचा ६-०, ५-७, ६-२ असा पराभव केला. मानव जैनने पंधराव्या मानांकित हसित गुम्मउलुरूवर ६-२, ६-४ अशी मात केली. चौदाव्या मानांकित सन्मय गांधीने प्रणव हेग्गरीला ६-१, ६-१ असे पराभूत केले. अनुप बंगार्गीने चुरशीच्या सामन्यात फरहान पत्रावालाला टायब्रेकमध्ये ४-६, ७-६, ६-४ असे हरवले. दहाव्या मानांकित यशराज दळवीने साहिल तांबटवर ६-१, ६-३ अशी मात केली.
मुलींच्या गटात रिया भोसलेने सोळाव्या मानांकित साई भोयरचे आव्हान ६-४, ६-३ असे संपुष्टात आणले. अव्वल मानांकित सुदिप्ता कुमारने अॅना जेकबचा ६-०, ६-१ असा सहज पराभव केला. तेराव्या मानांकित सानिया मसंदने हितवी चौधरीला ७-५, ६-१ असे नमवले.
अन्य निकाल ः मुले - क्रिशन हुडा वि. वि. दक्ष अगरवाल (६-२, ६-१), रोनिन लोटलीकर वि. वि. आकर्ष गावकर (६-१, ६-३), अजय सिंग वि. वि. प्रेमकुमार अर्जुन (६-३, ६-०), धन्या शहा वि. वि. फैज नस्याम (६-२, ६-२), चिराग दुहान वि. वि. जस्मित दुहान (६-०, ६-२).
मुली - रेनी सिंग वि. वि. नंदिनी दीक्षित (६-४, ६-३), रेनी सिंगला वि. वि. हर्षिता बांगेरा (६-४, ६-२), संजना सिरीमल्ला वि. वि. कशिश बोटे (६-०, ६-०).