औरंगाबाद: कमलेश चंद्र यांच्या शिफारशी त्वरित लागू कराव्यात या मुख्य मागणीसाठी ग्रामीण डाक सेवकांचा देशव्यापी संपाला मंगळवारी आठ दिवस पूर्ण झाले. पोस्ट विभागातील भारतीय मजदूर संघाच्या सदस्यांनी एक दिवस कामबंद आंदोलन करून पाठिंबा दिला. दरम्यान,सरकारला जाग आणण्यासाठी आंदोलन तीव्र करण्याचा इशारा देण्यात आला आहे. या संपाला भारतीय टपाल कर्मचारी संघटना, भारतीय डाक कर्मचारी संघ, भारतीय मजदूर संघ, एनएफटीई या संघटनांनी पाठिंबा दिला. मंगळवारी मुख्य टपाल कार्यालयासमोर निदर्शने करण्यात आली. त्यानंतर प्रवर डाक अधीक्षक अनंत रसाळ यांना निवेदन सादर करण्यात आले. यावेळी नईम शेख, श्रीपाद कुटासकर, प्रकाश कुलकर्णी, रणजित चव्हाण, शकील शेख, राजेंद्र खरे, अनिल वारुळे, प्रमोद होळे, देवेंद्र् परदेशी,अण्णा बुजाडे, टी. एन.साळवे,शेख जमील अण्णा दराडे, सुदाम चौरे, सागर गोरे, सागर चव्हाण आदी उपस्थित होते.
ग्रामीण डाक सेवक संप अधिक तीव्र करणार
कमलेश चंद्र यांच्या शिफारशी त्वरित लागू कराव्यात या मुख्य मागणीसाठी ग्रामीण डाक सेवकांचा देशव्यापी संपाला मंगळवारी आठ दिवस पूर्ण झाले...
Maharashtra Times 30 May 2018, 4:00 am