जप्त केलेली वाहने धूळखात पडून

म. टा. प्रतिनिधी, औरंगाबाद

आरटीओ कार्यालयात जप्त केलेल्या वाहने पडून आहेत. या वाहनांसाठी वाहनांच्या किंमतीपेक्षा अधिक कर झाल्याने अनेक वाहने पडून आहेत. यातील काही वाहने भंगार झालेली आहे. या वाहने हटविण्यासाठी जागा नसल्याने, ज्या लोकांनी आरटीओ कार्यालयाकडे जप्त केलेल्या वाहनांचे थकीत टॅक्स व दंड भरलेले आहेत. अशांनाही वाहने मिळत नसल्याचा नवीन प्रकार समोर आलेला आहे.

औरंगाबाद आरटीओ कार्यालयात गेल्या काही वर्षांत वाहतूक नियम मोडणाऱ्या, तसेच कर भरणा न केलेल्या वाहनांसह ओव्हरलोड वाहने जप्त करून ही वाहने कार्यालयाच्या परिसरात लावण्यात आलेली आहे. आरटीओ कार्यालयात लावण्यात आलेली वाहनांमधील काही वाहनांचा जाहिर लिलाव करण्यात आला. मात्र, या परिसरात लावलेली वाहनांची संख्या मोठी आहे. यामुळे लर्निंग लायसन्स सेंटरच्या बाजुच्या खुल्या पारिसरापासून ते जुन्या टेस्टींग ट्रॅकवरही या वाहने लावण्यात आलेली आहे. याशिवाय आरटीओच्या पार्किंगच्या जागाही अशा वाहनांमुळे भरलेली आहेत. काही दिवसांपूर्वी या जुन्या वाहनांना आग लागल्याची घटना घडली होती. या घटनेनंतरही ही वाहने अन्य ठिकाणी हलविण्याबाबत कोणत्याही प्रकारची कारवाई करण्यात आलेली नाही.

या जुन्या आणि जप्त केलेल्या वाहनांच्या गर्दीमुळे आरटीओ कार्यालयात येणाऱ्यांना अडचणी निर्माण झालेली आहे. आरटीओ कार्यालयात येणाऱ्या वाहन धारकांना आरटीओ कार्यालयाच्या बाहेर वाहने उभी करावी लागत आहे. यामुळे वाहतूक कोंडीचाही प्रश्न निर्माण होत आहे. याशिवाय शहरातील बंद झालेल्या एका कंपनीचे सात ते आठ मोठे ट्रक कर न भरल्यामुळे तसेच त्यांचा आकार परवानगी न घेता वाढविण्यात आला होता. अशी वाहने जप्त करण्यात आली होती. या वाहनांचा कर हा संबंधीतांनी दोन ते अडीच वर्षानंतर भरलेला आहे. ही सात ते आठ वाहने काढण्यासाठी जागा नाही. ही वाहने काढण्यासाठी अन्य वाहने कशी हटवावित? असा प्रश्न आरटीओ विभागासमोर पडलेला आहे.

.....

दुचाकीच्या टेस्टिंग ट्रॅकचा वापर करा

आरटीओ कार्यालयात सध्या दुचाकी टेस्टिंग ट्रॅक आहे. या ट्रॅकवर जप्त केलेली वाहनांचे अतिक्रमण आहे. दुचाकी चालविण्याची परिक्षा देण्यासाठी महिला व तरूणांना १४ किलोमिटर दुर जावे लागत आहे. हे घातक आहे. यामुळे ही जागा रिकामी करून या ठिकाणी महिला व तरूणांसाठी पक्के लायसन्स देण्यापुर्वी आरटीओ कार्यालयातील टेस्टिंग ट्रॅकवर परिक्षा घ्यावी अशी मागणी शिवसेनेचे संतोष मरमठ्ठ यांनी आरटीओ यांच्याकडे केली आहे.

....

ओळी

जप्त केलेली अनेक वाहने आरटीओ कार्यालयात पडून आहेत.

मंगेश शिंदे