म. टा. प्रतिनिधी, औरंगाबाद
जेष्ठ पत्रकार सुंदर लटपटे आत्महत्या प्रकरणी दोन जणांविरुद्ध पुंडलिकनगर पोलिस ठाण्यात आत्महत्येस प्रवृत्त केल्याप्रकरणी गुन्हा दाखल करण्यात आला आहे. १४ एप्रिल रोजी सकाळी पुंडलिकनगर भागात लटपटे यांनी गळफास घेत आत्महत्या केली हेाती. मृत्युपूर्वी त्यांनी लिहिलेल्या चिठ्ठीमध्ये संजीव उन्हाळे यांच्या त्रासाला कंटाळून आत्महत्या करीत असल्याचा उल्लेख केला होता. याप्रकरणी सुंदर लटपटे यांचे चुलत भाऊ भाऊसाहेब नानासाहेब लटपटे (वय ३९, रा. बावी, ता. आष्टी) यानी दिलेल्या तक्रारीवरून संजीव उन्हाळे आणि एका महिलेविरुद्ध आत्महत्येस प्रवृत्त केल्याप्रकरणी गुन्हा दाखल करण्यात आला आहे. पीएसआय फसाटे याप्रकरणी तपास करीत आहेत.