म. टा. प्रतिनिधी, औरंगाबाद
शहरातील १६ वर्षीय मुलीला व तिच्या कुटुंबीयांना जिवे मारण्याच्या धमक्या देऊन मुलीचे वर्षभर लैंगिक शोषण करणाऱ्या आरोपीच्या पोलिस कोठडीमध्ये शुक्रवारपर्यंत वाढ करण्याचे आदेश जिल्हा व सत्र न्यायाधीश एस. एस. नायर यांनी बुधवारी दिले.
या प्रकरणी पीडित मुलीच्या वडिलांनी फिर्याद दिली होती. आरोपी इब्राहीम नूर बेग (वय ३८, रा. हिनानगर, चिकलठाणा) हा मजुरी काम करतो. फिर्यादीच्या घरासमोर काम करताना त्याची ओळख पीडितेशी झाली होती. त्यातूनच आरोपीने पीडितेशी जवळीक निर्माण करून तिला धमक्या देत वर्षभर लैंगिक शोषण केल्याचा जबाब पीडितेने दिला होता. तिच्या जबाबानंतर आरोपीला अटक करून बुधवारपर्यंत (२२ नोव्हेंबर) पोलिस कोठडी सुनावण्यात आली होती. पोलिस कोठडीची मुदत संपल्यामुळे त्याला कोर्टात हजर करण्यात आले असता, आरोपीने गुन्ह्यात वापरलेली जीप व दुचाकी जप्त करणे बाकी असून, आरोपीने पीडितेवर अत्याचार करण्यासाठी अंमली पदार्थांचा वापर केल्याचा संशय असून, सखोल तपासासाठी आरोपीला पोलिस कोठडी देण्याची विनंती सहाय्यक सरकारी वकील बी. आर. लोया यांनी कोर्टात केली. ही विनंती मान्य करून कोर्टाने आरोपीच्या पोलिस कोठडीमध्ये शुक्रवारपर्यंत वाढ केली.
शहरातील १६ वर्षीय मुलीला व तिच्या कुटुंबीयांना जिवे मारण्याच्या धमक्या देऊन मुलीचे वर्षभर लैंगिक शोषण करणाऱ्या आरोपीच्या पोलिस कोठडीमध्ये शुक्रवारपर्यंत वाढ करण्याचे आदेश जिल्हा व सत्र न्यायाधीश एस. एस. नायर यांनी बुधवारी दिले.
या प्रकरणी पीडित मुलीच्या वडिलांनी फिर्याद दिली होती. आरोपी इब्राहीम नूर बेग (वय ३८, रा. हिनानगर, चिकलठाणा) हा मजुरी काम करतो. फिर्यादीच्या घरासमोर काम करताना त्याची ओळख पीडितेशी झाली होती. त्यातूनच आरोपीने पीडितेशी जवळीक निर्माण करून तिला धमक्या देत वर्षभर लैंगिक शोषण केल्याचा जबाब पीडितेने दिला होता. तिच्या जबाबानंतर आरोपीला अटक करून बुधवारपर्यंत (२२ नोव्हेंबर) पोलिस कोठडी सुनावण्यात आली होती. पोलिस कोठडीची मुदत संपल्यामुळे त्याला कोर्टात हजर करण्यात आले असता, आरोपीने गुन्ह्यात वापरलेली जीप व दुचाकी जप्त करणे बाकी असून, आरोपीने पीडितेवर अत्याचार करण्यासाठी अंमली पदार्थांचा वापर केल्याचा संशय असून, सखोल तपासासाठी आरोपीला पोलिस कोठडी देण्याची विनंती सहाय्यक सरकारी वकील बी. आर. लोया यांनी कोर्टात केली. ही विनंती मान्य करून कोर्टाने आरोपीच्या पोलिस कोठडीमध्ये शुक्रवारपर्यंत वाढ केली.