म. टा. प्रतिनिधी, औरंगाबाद
विघ्नहर्ता गणरायाच्या आगमनाला एका आठवड्याचीच प्रतीक्षा असून गणेशमूर्तींची मुख्य बाजारपेठ जिल्हा परिषद मैदानावर स्टॉल लागले आहेत. स्थानिक विक्रेत्यांसह परगावाहून तसेच गुजरात, राजस्थान, उत्तरप्रदेशातील मूर्तीकारांचे गणपतीही विक्रीसाठी आले आहेत. यावर्षी एकहजार रुपयापर्यंतच्या घरगुती तसेच तीन ते चाळीस हजारपेक्षाही अधिक किंमतीच्या सार्वजनिक गणेश मंडळांसाठीच्या मूर्ती आल्या आहेत. पेण (जि. रायगड) येथून नेहमीप्रमाणे शाडू मातीच्या विविध आकार, मोर, गरूड, गणरायाचे वाहन मूषकावर स्वार असलेल्या विलोभनीय गणेश मूर्त्यांचे आगमन झाले आहे. जीएसटी, वाहतूक व्यवस्था यांचे वाढलेले दर, मजुरी, प्लॅस्टर ऑफ पॅरिस, रंगसामुग्रीचे दर वाढल्याने गणपती मूर्तींच्या किमती वाढल्या आहेत. मूर्त्यांच्या किंमतीत ऐनवेळी आणखी वाढ होण्याची धास्ती घेत अनेक मंडळांनी आपापले बाप्पा बुक करून ठेवले आहेत.
मूर्त्यांची घडण करणाऱ्या कारागिरांच्या मजुरीत २५ टक्के तसेच वाहतूक दरात २० टक्के वाढ झाल्याने याचा परिणाम गणेस मूर्ती महाग होण्यावर होणार आहे. कोल्हापूर, सांगली, कऱ्हाड येथे आलेल्या महापुरामुळे या भागातूनही औरंगाबादच्या विक्रेत्यांकडे मूर्तींची आगाऊ बुकींग झाली आहे. त्यामुळेही गणेश मूर्तींचे दर वाढण्याची शक्यता निर्माण झाली आहे. अहमदनगर येथील मूर्तींचा साठी यापूर्वीचा संपला आहे.
शिवाजीनगर व औरंगपुऱ्यातील मार्केटमध्ये पीओपी व शाडू मातीच्या मूर्ती विक्रीसाठी तयार आहेत. शेंदूरजडीत, मयुरावर स्वार, शंकर पार्वती, सरस्वती, मूषक, गरूडावर स्वार गणरायास अधिक मागणी आहे
- बहिरू शिवराम जवळेकर (विक्रेते/मूर्तीकार)
नागरिकांचा कल शाडूच्या मूर्ती घेण्याकडे वाढत आहे. किंमती अधिक असल्या तरी गणेशभक्त यास प्राधान्य देत आहेत
संदीप वर्धावे, शिक्षण तज्ज्ञ व पर्यावरणपूरक गणेशोत्सव प्रचारक)
विघ्नहर्ता गणरायाच्या आगमनाला एका आठवड्याचीच प्रतीक्षा असून गणेशमूर्तींची मुख्य बाजारपेठ जिल्हा परिषद मैदानावर स्टॉल लागले आहेत. स्थानिक विक्रेत्यांसह परगावाहून तसेच गुजरात, राजस्थान, उत्तरप्रदेशातील मूर्तीकारांचे गणपतीही विक्रीसाठी आले आहेत. यावर्षी एकहजार रुपयापर्यंतच्या घरगुती तसेच तीन ते चाळीस हजारपेक्षाही अधिक किंमतीच्या सार्वजनिक गणेश मंडळांसाठीच्या मूर्ती आल्या आहेत. पेण (जि. रायगड) येथून नेहमीप्रमाणे शाडू मातीच्या विविध आकार, मोर, गरूड, गणरायाचे वाहन मूषकावर स्वार असलेल्या विलोभनीय गणेश मूर्त्यांचे आगमन झाले आहे. जीएसटी, वाहतूक व्यवस्था यांचे वाढलेले दर, मजुरी, प्लॅस्टर ऑफ पॅरिस, रंगसामुग्रीचे दर वाढल्याने गणपती मूर्तींच्या किमती वाढल्या आहेत. मूर्त्यांच्या किंमतीत ऐनवेळी आणखी वाढ होण्याची धास्ती घेत अनेक मंडळांनी आपापले बाप्पा बुक करून ठेवले आहेत.
मूर्त्यांची घडण करणाऱ्या कारागिरांच्या मजुरीत २५ टक्के तसेच वाहतूक दरात २० टक्के वाढ झाल्याने याचा परिणाम गणेस मूर्ती महाग होण्यावर होणार आहे. कोल्हापूर, सांगली, कऱ्हाड येथे आलेल्या महापुरामुळे या भागातूनही औरंगाबादच्या विक्रेत्यांकडे मूर्तींची आगाऊ बुकींग झाली आहे. त्यामुळेही गणेश मूर्तींचे दर वाढण्याची शक्यता निर्माण झाली आहे. अहमदनगर येथील मूर्तींचा साठी यापूर्वीचा संपला आहे.
शिवाजीनगर व औरंगपुऱ्यातील मार्केटमध्ये पीओपी व शाडू मातीच्या मूर्ती विक्रीसाठी तयार आहेत. शेंदूरजडीत, मयुरावर स्वार, शंकर पार्वती, सरस्वती, मूषक, गरूडावर स्वार गणरायास अधिक मागणी आहे
- बहिरू शिवराम जवळेकर (विक्रेते/मूर्तीकार)
नागरिकांचा कल शाडूच्या मूर्ती घेण्याकडे वाढत आहे. किंमती अधिक असल्या तरी गणेशभक्त यास प्राधान्य देत आहेत
संदीप वर्धावे, शिक्षण तज्ज्ञ व पर्यावरणपूरक गणेशोत्सव प्रचारक)