शाहरुख शेख ‘मिस्टर इंडिया’

औरंगाबाद - मॉडेलिंग फिल्ड अँड डान्स फेडरेशन यांच्या वतीने उज्जैन येथे 'मिस्टर अँड मिस इंडिया - २०१८' स्पर्धा घेण्यात आली. औरंगाबाद शहरातील शाहरुख शेख स्पर्धेत विजेता ठरला. या स्पर्धेत १०७ स्पर्धकांनी सहभाग घेतला होता. पाच दिवस चाललेल्या स्पर्धेत स्पर्धकांची वेगवेगळी चाचणी घेण्यात आली. व्यक्तिमत्त्व आणि सामान्य ज्ञान या फेरीत शाहरुखने बाजी मारली. या स्पर्धेची उत्तम तयारी केली होती. स्पर्धा कठीण असूनही परिश्रमामुळे यश मिळाल्याचा आनंद आहे असे त्याने सांगितले. स्पर्धेचे संयोजक अभिषेक जोशी, सोनी जैस्वाल आणि राजकुमार यांच्या हस्ते पारितोषिक प्रदान करण्यात आले.