मटा ऑनलाइन वृत्त । लातूर
एअर इंडियाच्या अधिकाऱ्याला चपलेने मारहाण केल्याने वादाच्या भोवऱ्यात सापडलेले शिवसेनेचे खासदार रवींद्र गायकवाड आता पोलीस अधिकाऱ्याशी हुज्जत घातल्याने चर्चेत आले आहेत. लातूरमध्ये एका एटीएमबाहेर पोलीस अधिकारी आणि गायकवाड यांच्यात बाचाबाची झाली असून या घटनेचा व्हिडिओ एएनआय या वृत्तसंस्थेने शेअर केला आहे.
एटीएम बंद असल्याने नागरिकांची निदर्शनं सुरू असतानाच हा सगळा प्रकार घडला. या ठिकाणी उपस्थित असलेल्या दोन पोलीस अधिकाऱ्यांसोबत गायकवाड तावातावाने बोलताना दिसत आहेत. त्यांच्याभोवती लोकांची गर्दीही दिसत आहे. गायकवाड व एक महिला पोलीस अधिकाऱ्यांशी हुज्जत घालत आहे. बराच वेळ बाचाबाची झाल्यानंतर गायकवाड मागे फिरल्याचे व्हिडिओत दिसत आहे. गायकवाड एका अधिकाऱ्याकडे हात रोखून काहीतरी इशारा देत आहेत, असे दिसत असले तरी ते नेमके काय बोलत आहेत, हे स्पष्ट ऐकू येत नाहीय.
५४ सेकंदांचा हा व्हिडिओ एएनआयने ट्विटरवर शेअर केला आहे. या व्हिडिओमुळे गायकवाड पुन्हा चर्चेत आले असून याबाबत अधिक तपशील मिळाल्यानंतरच सत्य समोर येणार आहे.
#WATCH: Shiv Sena MP Ravindra Gaikwad argues with a police officer in Latur (Maharashtra) during a protest over a non-functioning ATM pic.twitter.com/k1rCa12aGc — ANI (@ANI_news) April 19, 2017
दरम्यान, गायकवाड यांनी एअर इंडियाच्या अधिकाऱ्याला मारहाण केल्यानंतर त्यांच्यावर विमानबंदी घालण्यात आली होती. केंद्रीय नागरी उड्डाण मंत्रालयाकडे लेखी माफीनामा दिल्यानंतर गायकवाड यांच्यावरील बंदी उठवण्यात आली होती.
एअर इंडियाच्या अधिकाऱ्याला चपलेने मारहाण केल्याने वादाच्या भोवऱ्यात सापडलेले शिवसेनेचे खासदार रवींद्र गायकवाड आता पोलीस अधिकाऱ्याशी हुज्जत घातल्याने चर्चेत आले आहेत. लातूरमध्ये एका एटीएमबाहेर पोलीस अधिकारी आणि गायकवाड यांच्यात बाचाबाची झाली असून या घटनेचा व्हिडिओ एएनआय या वृत्तसंस्थेने शेअर केला आहे.
एटीएम बंद असल्याने नागरिकांची निदर्शनं सुरू असतानाच हा सगळा प्रकार घडला. या ठिकाणी उपस्थित असलेल्या दोन पोलीस अधिकाऱ्यांसोबत गायकवाड तावातावाने बोलताना दिसत आहेत. त्यांच्याभोवती लोकांची गर्दीही दिसत आहे. गायकवाड व एक महिला पोलीस अधिकाऱ्यांशी हुज्जत घालत आहे. बराच वेळ बाचाबाची झाल्यानंतर गायकवाड मागे फिरल्याचे व्हिडिओत दिसत आहे. गायकवाड एका अधिकाऱ्याकडे हात रोखून काहीतरी इशारा देत आहेत, असे दिसत असले तरी ते नेमके काय बोलत आहेत, हे स्पष्ट ऐकू येत नाहीय.
५४ सेकंदांचा हा व्हिडिओ एएनआयने ट्विटरवर शेअर केला आहे. या व्हिडिओमुळे गायकवाड पुन्हा चर्चेत आले असून याबाबत अधिक तपशील मिळाल्यानंतरच सत्य समोर येणार आहे.
#WATCH: Shiv Sena MP Ravindra Gaikwad argues with a police officer in Latur (Maharashtra) during a protest over a non-functioning ATM pic.twitter.com/k1rCa12aGc — ANI (@ANI_news) April 19, 2017
दरम्यान, गायकवाड यांनी एअर इंडियाच्या अधिकाऱ्याला मारहाण केल्यानंतर त्यांच्यावर विमानबंदी घालण्यात आली होती. केंद्रीय नागरी उड्डाण मंत्रालयाकडे लेखी माफीनामा दिल्यानंतर गायकवाड यांच्यावरील बंदी उठवण्यात आली होती.