शिवसेनेचा मोर्चा; इंटरनेट सेवा बंद

औरंगाबाद :

शिवसेनेने शनिवारी दंगलप्रकरणी पोलिस आणि समाजकंटकाविरुद्ध हिंदू शक्ती मोर्चाचे आयोजन केले होते. त्यामुळे सकाळी दहा ते अकराच्या दरम्यान शहरातील मोबाइल कंपन्यांची इंटरनेट सेवा बंद करण्यात आली होती. मोर्चापूर्वीच अचानक इंटरनेट सेवा बंद केल्याने

अफवांचे पेव फुटले होते. शहरात काही पुन्हा घडले का, असा प्रश्न नागरिकांच्या मनात निर्माण झाला होता. यामुळे अनेक मोबाइल ग्राहकांनी थेट संबंधित लोकांना फोन करून मोर्चात काही घडले आहे का, अशी विचारणा केली. याबाबत संबंधीत मोबाइल कंपन्याच्या प्रतिनिधींना विचारले असता तांत्रिक कारणांमुळे इंटरनेट सेवा बंद असल्याचे स्पष्ट केले.