म. टा. प्रतिनिधी, औरंगाबाद
फुलंब्री नगर पंचायत निवडणुकीत शिवसेनेचे समीकरण पूर्णतः चुकले आहे. काँग्रेसशी केलेली सलगी शिवसेनेला भोवल्याची चर्चा आहे. त्यातच शिवसेनेच्या पदाधिकाऱ्यांमधील धुसफूस या पराभवाला कारणीभूत असल्याचे मानले जात आहे.
फुलंब्री नगर पंचायत निवडणुकीचा निकाल गुरूवारी जाहीर झाला. या निवडणुकीत भारतीय जनता पक्षाने अपेक्षेप्रमाणे यश मिळवले. यशापासून भारतीय जनता पक्षाला दूर ठेवण्यासाठी शिवसेनेसह काँग्रेस व इतर पक्ष एकत्र आले होते. परंतु, या सर्वांवर मात करत भाजपने नगराध्यक्ष निवडून आणत नगर पंचायतीत बहुमत देखील मिळवले. या निवडणुकीत शिवसेनेचे समीकरण चुकल्याचे चित्र आहे. शिवसेनेचे दोन जिल्हाप्रमुख आहेत. त्यापैकी नरेंद्र त्रिवेदी यांच्या कार्यक्षेत्रात फुलंब्री मतदारसंघाचा समावेश होतो. त्रिवेदी यांच्या कार्यकक्षात दुसरे जिल्हाप्रमुख अंबादास दानवे यांच्या नजिकचे पदाधिकारी म्हणून मानले जाणारे राजेंद्र ठोंबरे यांना नगराध्यक्षपदाची उमेदवारी देण्यात आली. त्यातच शिवसेनेने काँग्रेसशी हातमिळवणी केली. काँग्रेसला प्रचारात साथ देत शिवसेनेचे नेते, पदाधिकारी फुलंब्री मध्ये फिरले. काँग्रेसबरोबर शिवसेनेने केलेली सलगी मतदारांना रुचली नाही. त्यामुळे शिवसेनेला या निवडणुकीत सपशेल मार खावा लागला. प्रचारासाठी संपर्कप्रमुख विनोद घोसाळकर, खासदार चंद्रकांत खैरे यांच्यासह शिवसेनेचे सर्व प्रमुख पदाधिकारी प्रचारासाठी फुलंब्रीत फिरले. यापैकी कितीजण मनापासून प्रचार करत होते, याबद्दल चर्चा सुरू झाली आहे.
वरिष्ठांनी दखल घ्यावी
जिल्ह्यातील एखाद्या निवडणुकीत शिवसेनेला एवढा सपाटून मार खावा लागण्याची बहुदा ही पहिलीच घटना आहे. फुलंब्री निवडणुकीत झालेला पराभव, काँग्रेसशी केलेली सलगी याची दखल शिवसेनेच्या वरिष्ठ नेत्यांच्या पातळीवर घेतली जाणार की नाही, असा प्रश्न विचारला जात आहे.
फुलंब्री नगर पंचायत निवडणुकीत शिवसेनेचे समीकरण पूर्णतः चुकले आहे. काँग्रेसशी केलेली सलगी शिवसेनेला भोवल्याची चर्चा आहे. त्यातच शिवसेनेच्या पदाधिकाऱ्यांमधील धुसफूस या पराभवाला कारणीभूत असल्याचे मानले जात आहे.
फुलंब्री नगर पंचायत निवडणुकीचा निकाल गुरूवारी जाहीर झाला. या निवडणुकीत भारतीय जनता पक्षाने अपेक्षेप्रमाणे यश मिळवले. यशापासून भारतीय जनता पक्षाला दूर ठेवण्यासाठी शिवसेनेसह काँग्रेस व इतर पक्ष एकत्र आले होते. परंतु, या सर्वांवर मात करत भाजपने नगराध्यक्ष निवडून आणत नगर पंचायतीत बहुमत देखील मिळवले. या निवडणुकीत शिवसेनेचे समीकरण चुकल्याचे चित्र आहे. शिवसेनेचे दोन जिल्हाप्रमुख आहेत. त्यापैकी नरेंद्र त्रिवेदी यांच्या कार्यक्षेत्रात फुलंब्री मतदारसंघाचा समावेश होतो. त्रिवेदी यांच्या कार्यकक्षात दुसरे जिल्हाप्रमुख अंबादास दानवे यांच्या नजिकचे पदाधिकारी म्हणून मानले जाणारे राजेंद्र ठोंबरे यांना नगराध्यक्षपदाची उमेदवारी देण्यात आली. त्यातच शिवसेनेने काँग्रेसशी हातमिळवणी केली. काँग्रेसला प्रचारात साथ देत शिवसेनेचे नेते, पदाधिकारी फुलंब्री मध्ये फिरले. काँग्रेसबरोबर शिवसेनेने केलेली सलगी मतदारांना रुचली नाही. त्यामुळे शिवसेनेला या निवडणुकीत सपशेल मार खावा लागला. प्रचारासाठी संपर्कप्रमुख विनोद घोसाळकर, खासदार चंद्रकांत खैरे यांच्यासह शिवसेनेचे सर्व प्रमुख पदाधिकारी प्रचारासाठी फुलंब्रीत फिरले. यापैकी कितीजण मनापासून प्रचार करत होते, याबद्दल चर्चा सुरू झाली आहे.
वरिष्ठांनी दखल घ्यावी
जिल्ह्यातील एखाद्या निवडणुकीत शिवसेनेला एवढा सपाटून मार खावा लागण्याची बहुदा ही पहिलीच घटना आहे. फुलंब्री निवडणुकीत झालेला पराभव, काँग्रेसशी केलेली सलगी याची दखल शिवसेनेच्या वरिष्ठ नेत्यांच्या पातळीवर घेतली जाणार की नाही, असा प्रश्न विचारला जात आहे.