... म्हणून आदित्य ठाकरेंच्या गाडीत शिवसेना नेत्यांना 'नो एंट्री'

औरंगाबादः राज्याचे पर्यटन आणि पर्यावरण मंत्री आदित्य ठाकरे (aaditya thackeray) आजपासून दोन दिवसीय औरंगाबाद दौऱ्यावर आहेत. दरम्यान ४ वाजता आदित्य ठाकरे हे चिकलठाणा विमानतळावर दाखल झाले आहे. मात्र या दौऱ्यात आदित्य ठाकरे त्यांच्या गाडीत इतरांना 'नो एन्ट्री' पाहायला मिळाली. (aaditya thackeray on aurangabad tour)

एखादा मोठा नेता किंवा मंत्री शहरात आल्यावर त्यांच्या गाडीत बसण्यासाठी नेत्यांची स्पर्धा लागते. देवेंद्र फडणवीस मुख्यमंत्री असताना औरंगाबादमध्ये त्यांच्या गाडीत बसण्यावरून भाजपाच्या दोन नेत्यांमध्ये हमरीतुमरी झाली होती. नेत्यांच्या गाडीत आपण बसलो की, आपण त्याच्या किती जवळचा आहोत हे इतरांना पाहायला मिळावा यासाठी ही चढाओढ सुरू असते.

मात्र गेल्या काही दिवसांपासून करोनाचा काळ आहे. तर करोनाच्या ओमिक्रॉन या नवीन विषाणूमुळे बाधित होण्याचं प्रमाण सुद्धा अधिक आहे. त्यामुळे मंत्री आदित्य ठाकरे काळजी घेताना पाहायला मिळतायत. शिवाय मुख्यमंत्री उद्धव ठाकरे यांच्यावर ही उपचार सुरू असून, आपल्याला करोनाची लागण होऊ नये याची दक्षता घेताना आदित्य ठाकरे पाहायला मिळाले. ठाकरे यांच्यासाठी गाडी आणि ड्रायव्हर थेट मुंबईतुन आणले गेले होते. तसेच आदित्य ठाकरेंच्या गाडीत नेत्यांना ' नो एन्ट्री' पाहायला मिळाली.

वाचाः प्रजासत्ताक दिनी एसटी कर्मचाऱ्यांचा मोठा निर्णय, ३ महिन्यापासून पगार मिळाला नाही म्हणून...

नेत्यांची पंचायत...!

औरंगाबाद विमानतळावर आदित्य ठाकरे यांचं स्वागत करण्यासाठी अनेक नेत्यांनी गर्दी केली होती. मात्र आपल्या गाडीत खुद्द आदित्य यांनीच 'नो एंट्री' दिल्यामुळे मंत्र्यांच्या गाडीत बसण्याची चढाओढ पाहायला मिळाले नाही. तर काहींची यामुळे पंचायत झाल्याची चर्चा पाहायला मिळाली.

वाचाः तीस-तीस घोटाळ्यात मंत्री, आमदार आणि पोलीस अधिकाऱ्यांची गुंतवणूक; महाराष्ट्र टाइम्सच्या हाती मोठी माहिती