मोठी बातमी : शिवसेना नेते अर्जुन खोतकरांच्या अडचणीत वाढ; ईडीने पाठवलेल्या पत्रामुळे खळबळ

औरंगाबाद : शिवसेना नेते आणि माजी मंत्री अर्जुन खोतकर यांच्या अडचणीत आणखी वाढ होण्याची शक्यता आहे. कारण, ईडीने जालना जिल्हाधिकाऱ्यांना एक पत्र पाठवण्यात आले आहे, ज्यात जालना सहकारी कारखान्याची चौकशी होईपर्यंत खरेदी-विक्री करण्यासाठी प्रतिबंध घातले आहे.

ईडीने जालना जिल्हाधिकारी यांना पाठवलेल्या नोटीसमध्ये म्हटलं आहे की, जालना सहकारी साखर कारखान्याची ईडीकडून चौकशी सुरू आहे. त्यामुळे कारखान्याची जमीन, मशिनरी आणि कोणत्याही वस्तू विकण्याबाबत आर्थिक व्यवहार करण्यात येऊ नयेत. असे कोणतेही व्यवहार होणार असेल तर त्याची पूर्वकल्पना ईडी कार्यालयाला देण्यात यावी असं ईडीने जिल्हाधिकारी कार्यालयाला पाठवलेल्या पत्रात म्हटलं आहे.

सुनेनं सुप्रिया सुळेंकडे केली सासूची तक्रार, आत्मदहनाचा इशारा दिल्याने राष्ट्रवादीमध्ये खळबळ
तर काही दिवसांपूर्वी शिवसेनेचे नेते आणि माजी राज्यमंत्री अर्जुन खोतकर यांच्या जालन्यातील घरी आणि त्यांच्याशी संबंधित कार्यालयांवर ईडीने ( अंमलबजावणी संचलनालयानं ) छापेमारी केली होती. तर अर्जुन खोतकर सभापती असलेल्या कृषी उत्पन्न बाजार समितीमध्ये सुद्धा ED कडून तपासणी करण्यात आली होती.