म. टा. प्रतिनिधी, औरंगाबाद
समांतर जलवाहिनीच्या प्रकल्पाबद्दल शिवसेनेची भूमिका मुंबईत ठरविण्यात येईल, असे पालकमंत्री रामदास कदम यांनी सोमवारी येथे सूचित केले. महापौर बंगल्यात त्यांनी युवासेनेचे अध्यक्ष आदित्य ठाकरे यांच्या उपस्थितीत महापालिकेच्या अधिकाऱ्यांबरोबर आढावा बैठक घेतली. त्यावेळी त्यांनी ही माहिती दिली.
पर्यटन माहिती केंद्राच्या उद्घाटनानंतर शहरातील विकास कामांसंदर्भात महापौर बंगल्यात आढावा बैठक घेण्यात आली. बैठकीला आदित्य ठाकरे, रामदास कदम यांच्यासह सार्वजनिक बांधकाममंत्री एकनाथ शिंदे, खासदार चंद्रकांत खैरे, शिवसेनेचे जिल्हाप्रमुख अंबादास दानवे, महापौर त्र्यंबक तुपे, सभागृहनेते राजेंद्र जंजाळ, स्थायी समितीचे सभापती मोहन मेघावाले, शिवसेनेचे गटनेते राजू वैद्य, आयुक्त ओमप्रकाश बकोरिया, अतिरिक्त आयुक्त रमेश पवार, शहर अभियंता सखाराम पानझडे यांच्यासह पालिकेचे सर्व विभागप्रमुख उपस्थित होते. या बैठकीला अधिकारी, पदाधिकाऱ्यांशिवाय कुणालाही प्रवेश देण्यात आला नव्हता.
सुमारे अर्धातास चाललेल्या बैठकीत शहरातील विविध विकास कामांचा आढावा घेण्यात आला. सूत्रांनी दिलेल्या माहितीनुसार; समांतर जलवाहिनी प्रकल्पाबाबत अंतिम निर्णय घेण्यासाठी येत्या आठ-दहा दिवसांत विशेष सर्वसाधारण सभा होण्याची शक्यता आहे. त्यापूर्वी शिवसेनेला याबाबत भूमिका ठरवावी लागणार आहे. त्याबद्दलही बैठकीत चर्चा झाली. विशेष सर्वसाधारण सभेसाठी प्रशासनाने प्रस्ताव दिल्यावर तो घेऊन मुंबईत या. तेथे बैठक घेऊन भूमिका ठरवू, असे पालकमंत्र्यांनी सांगितले. आदित्य ठाकरे यांनीही त्याला दुजोरा दिला.
पर्यटकांसाठी महापालिकेतर्फे बससेवा सुरू करण्याची सूचना आदित्य ठाकरे यांनी केली. त्यासाठी आवश्यक ती मदत करण्याचा शब्द त्यांनी दिला. हिरवा, पिवळा, लाल रंगाचे पर्यटन बसचे मार्ग तयार करा. त्याच रंगाच्या बस आणि बसस्टॉप उभारा, अशी सूचना ठाकरे यांनी केली. शहरातील फूटपाथ व दुभाजकांची देखभाल, सुशोभीकरणासाठी दत्तक द्या, नागरिक व संस्थांचा सहभाग त्यात वाढवा, असेही ठाकरे यांनी अधिकारी, पदाधिकाऱ्यांना सांगितले.
मुख्यमंत्र्यांसोबत बैठक घेणार
सफारी पार्कसाठी अल्पदरात जागा उपलब्ध करून देण्यासंदर्भात मुख्यमंत्री देवेंद्र फडणवीस यांच्या उपस्थितीत मुंबईत बैठक घेऊन हा प्रश्न मार्गी लावण्याचे आश्वासन पालकमंत्री कदम यांनी दिले. सफारी पार्कच्या जागेभोवती संरक्षक भिंत बांधण्यासाठी येणाऱ्या खर्चाची तरतूद नगरोत्थानमधून करून देण्यात येईल, असेही ते म्हणाले. शहरातील रस्ते विकासाबद्दल महापालिकेने प्रस्ताव दिल्यास त्यावर सराकात्मक विचार केला जाईल. काही रस्त्यांची कामे रस्ते विकास महामंडळाच्या माध्यमातून करता येतील का, याचाही विचार करू असे शिंदे यावेळी म्हणाल्याचे सूत्रांनी सांगितले.
समांतर जलवाहिनीच्या प्रकल्पाबद्दल शिवसेनेची भूमिका मुंबईत ठरविण्यात येईल, असे पालकमंत्री रामदास कदम यांनी सोमवारी येथे सूचित केले. महापौर बंगल्यात त्यांनी युवासेनेचे अध्यक्ष आदित्य ठाकरे यांच्या उपस्थितीत महापालिकेच्या अधिकाऱ्यांबरोबर आढावा बैठक घेतली. त्यावेळी त्यांनी ही माहिती दिली.
पर्यटन माहिती केंद्राच्या उद्घाटनानंतर शहरातील विकास कामांसंदर्भात महापौर बंगल्यात आढावा बैठक घेण्यात आली. बैठकीला आदित्य ठाकरे, रामदास कदम यांच्यासह सार्वजनिक बांधकाममंत्री एकनाथ शिंदे, खासदार चंद्रकांत खैरे, शिवसेनेचे जिल्हाप्रमुख अंबादास दानवे, महापौर त्र्यंबक तुपे, सभागृहनेते राजेंद्र जंजाळ, स्थायी समितीचे सभापती मोहन मेघावाले, शिवसेनेचे गटनेते राजू वैद्य, आयुक्त ओमप्रकाश बकोरिया, अतिरिक्त आयुक्त रमेश पवार, शहर अभियंता सखाराम पानझडे यांच्यासह पालिकेचे सर्व विभागप्रमुख उपस्थित होते. या बैठकीला अधिकारी, पदाधिकाऱ्यांशिवाय कुणालाही प्रवेश देण्यात आला नव्हता.
सुमारे अर्धातास चाललेल्या बैठकीत शहरातील विविध विकास कामांचा आढावा घेण्यात आला. सूत्रांनी दिलेल्या माहितीनुसार; समांतर जलवाहिनी प्रकल्पाबाबत अंतिम निर्णय घेण्यासाठी येत्या आठ-दहा दिवसांत विशेष सर्वसाधारण सभा होण्याची शक्यता आहे. त्यापूर्वी शिवसेनेला याबाबत भूमिका ठरवावी लागणार आहे. त्याबद्दलही बैठकीत चर्चा झाली. विशेष सर्वसाधारण सभेसाठी प्रशासनाने प्रस्ताव दिल्यावर तो घेऊन मुंबईत या. तेथे बैठक घेऊन भूमिका ठरवू, असे पालकमंत्र्यांनी सांगितले. आदित्य ठाकरे यांनीही त्याला दुजोरा दिला.
पर्यटकांसाठी महापालिकेतर्फे बससेवा सुरू करण्याची सूचना आदित्य ठाकरे यांनी केली. त्यासाठी आवश्यक ती मदत करण्याचा शब्द त्यांनी दिला. हिरवा, पिवळा, लाल रंगाचे पर्यटन बसचे मार्ग तयार करा. त्याच रंगाच्या बस आणि बसस्टॉप उभारा, अशी सूचना ठाकरे यांनी केली. शहरातील फूटपाथ व दुभाजकांची देखभाल, सुशोभीकरणासाठी दत्तक द्या, नागरिक व संस्थांचा सहभाग त्यात वाढवा, असेही ठाकरे यांनी अधिकारी, पदाधिकाऱ्यांना सांगितले.
मुख्यमंत्र्यांसोबत बैठक घेणार
सफारी पार्कसाठी अल्पदरात जागा उपलब्ध करून देण्यासंदर्भात मुख्यमंत्री देवेंद्र फडणवीस यांच्या उपस्थितीत मुंबईत बैठक घेऊन हा प्रश्न मार्गी लावण्याचे आश्वासन पालकमंत्री कदम यांनी दिले. सफारी पार्कच्या जागेभोवती संरक्षक भिंत बांधण्यासाठी येणाऱ्या खर्चाची तरतूद नगरोत्थानमधून करून देण्यात येईल, असेही ते म्हणाले. शहरातील रस्ते विकासाबद्दल महापालिकेने प्रस्ताव दिल्यास त्यावर सराकात्मक विचार केला जाईल. काही रस्त्यांची कामे रस्ते विकास महामंडळाच्या माध्यमातून करता येतील का, याचाही विचार करू असे शिंदे यावेळी म्हणाल्याचे सूत्रांनी सांगितले.