म. टा. प्रतिनिधी, औरंगाबाद
औरंगाबाद शहरातील व्यापाऱ्यांमध्ये सोमवारी संभ्रमाचे वातावरण होते. त्यामुळे शहरात काही ठिकाणी दुकाने सुरू, तर काही ठिकाणी बंद दिसत होती.
पोलिसांचा ताफा येताच दुकानदारांनी आपापल्या दुकानांचे शटर बंद केल्याचे पाहण्यास मिळाले. दरम्यान, व्यापाऱ्यांचा कडक लॉकडाउनला पाठिंबा आहे. काही दिवस मार्च अखेरसह अन्य कामांसाठी; तसेच ग्राहकांना गरजेच्या वस्तू खरेदीसाठी मुभा द्यावी; तसेच ऑनलाइन विक्रीही बंद ठेवा, अशी मागणी व्यापारी संघटनेने केली आहे. जिल्हा व्यापारी महासंघाने रविवारी रात्री उशिरा दुकाने सुरू करण्यासंदर्भातील आवाहनाला फारसा प्रतिसाद मिळाला नाही. काही अपवाद वगळता निर्बंध असलेली सर्व दुकाने, प्रतिष्ठाने बंद होती. तर, टिळकपथ, गुलमंडी, पैठणगेट, कॅनॉट गार्डन, टीव्ही सेंटरसह शहर परिसरातील काही दुकानदारांनी सकाळी आपल्या दुकानांची शटर उघडली. खरेदीसाठी ग्राहकांची वर्दळही झाली; परंतु पोलिसांची गाडी त्या-त्या भागातून येताच दुकानदारांची चांगलीच धावपळ झाली. नियमांचे पालन करा अन्यथा कायदेशीर कारवाई करू, असा इशारा पोलिसांनी दिल्याने आणि व्यापाऱ्यांनी आपली दुकाने बंद करण्याचे पसंत केले. सकाळी दहा ते साडेअकरा वाजेपर्यंत हेच चित्र पाहण्यास मिळाले. तर, काही ठिकाणी प्रामुख्याने अंतर्गत रस्त्यावरील काही दुकानदारांनी दुकानाचे शटर अर्धवट करून व्यवसाय करण्याचा प्रयत्न केल्याचे दिसून आले. .
लॉकडाउनला पाठिंबा; पण
सरकारने कडक लॉकडाउन जारी केले, तर त्यास पाठिंबा राहणार असे व्यापारी महासंघाचे अध्यक्ष काळे, कॅटचे शाह, मराठवाडा चेंबरचे मालाणी यांनी स्पष्ट केले आहे. लॉकडाउनच्या पूर्वतयारीसाठी म्हणून मार्चअखेरची कामे, कर्मचाऱ्यांचे वेतन देण्यासह आलेला माल उतरून घेण्यासाठी आणि ग्राहकांना गरजेच्या वस्तू खरेदीसाठी म्हणून काही दिवस दुकाने, प्रतिष्ठाने सुरू करण्यास परवानगी द्यावी, अशी मागणी करण्यात आल्याचे त्यांनी नमूद केले. आज, मंगळवारी दुकाने सुरू ठेवा, असे आवाहन करण्यात आल्याचेही व्यापारी संघटनेने नमूद केले.
ऑनलाईन विक्री बंद करा :
एकीकडे स्थानिक दुकानदार, विक्रेत्यांना दुकाने बंद करण्यास सांगितले जाते. कारवाई केली जाते. तर दुसरीकडे बंदच्या काळात ऑनलाईन विक्रीला सर्रास परवानगी कशी दिली जाते, हा स्थानिक व्यापाऱ्यावर अन्याय नाही का ? असा सवाल व्यापारी महासंघाने केला आहे. स्थानिक व्यापारी व ऑनलाईन मार्केट यांना एक समान न्याय मिळालाच पाहिजे, अशी मागणीही महासंघाने केली आहे.
पदाधिकाऱ्यांनी दिला असा पाठिंबा
व्यापारी महासंघाचे अध्यक्ष जगन्नाथ काळे, कॉन्फिडरेशन ऑफ ऑल इंडिया ट्रेडर्सचे (कॅट) उपाध्यक्ष अजय शाह, मराठवाडा चेंबर्स ऑफ कॉमर्स अॅण्ड ट्रेडचे अध्यक्ष प्रफुल्ल मालाणी, महासंघाचे सचिव लक्ष्मीनारायण राठी, उपाध्यक्ष विजय जैस्वाल, सहसचिव गुलाम हक्काणी, तनसुख झांबड, राम वारेगावकर आदींनी टिळक पथसह परिसरात भेटी देऊन व्यापारी वर्गाला येणाऱ्या अडीअडचणी जाणून घेतल्या.
औरंगाबाद शहरातील व्यापाऱ्यांमध्ये सोमवारी संभ्रमाचे वातावरण होते. त्यामुळे शहरात काही ठिकाणी दुकाने सुरू, तर काही ठिकाणी बंद दिसत होती.
पोलिसांचा ताफा येताच दुकानदारांनी आपापल्या दुकानांचे शटर बंद केल्याचे पाहण्यास मिळाले. दरम्यान, व्यापाऱ्यांचा कडक लॉकडाउनला पाठिंबा आहे. काही दिवस मार्च अखेरसह अन्य कामांसाठी; तसेच ग्राहकांना गरजेच्या वस्तू खरेदीसाठी मुभा द्यावी; तसेच ऑनलाइन विक्रीही बंद ठेवा, अशी मागणी व्यापारी संघटनेने केली आहे. जिल्हा व्यापारी महासंघाने रविवारी रात्री उशिरा दुकाने सुरू करण्यासंदर्भातील आवाहनाला फारसा प्रतिसाद मिळाला नाही. काही अपवाद वगळता निर्बंध असलेली सर्व दुकाने, प्रतिष्ठाने बंद होती. तर, टिळकपथ, गुलमंडी, पैठणगेट, कॅनॉट गार्डन, टीव्ही सेंटरसह शहर परिसरातील काही दुकानदारांनी सकाळी आपल्या दुकानांची शटर उघडली. खरेदीसाठी ग्राहकांची वर्दळही झाली; परंतु पोलिसांची गाडी त्या-त्या भागातून येताच दुकानदारांची चांगलीच धावपळ झाली. नियमांचे पालन करा अन्यथा कायदेशीर कारवाई करू, असा इशारा पोलिसांनी दिल्याने आणि व्यापाऱ्यांनी आपली दुकाने बंद करण्याचे पसंत केले. सकाळी दहा ते साडेअकरा वाजेपर्यंत हेच चित्र पाहण्यास मिळाले. तर, काही ठिकाणी प्रामुख्याने अंतर्गत रस्त्यावरील काही दुकानदारांनी दुकानाचे शटर अर्धवट करून व्यवसाय करण्याचा प्रयत्न केल्याचे दिसून आले. .
लॉकडाउनला पाठिंबा; पण
सरकारने कडक लॉकडाउन जारी केले, तर त्यास पाठिंबा राहणार असे व्यापारी महासंघाचे अध्यक्ष काळे, कॅटचे शाह, मराठवाडा चेंबरचे मालाणी यांनी स्पष्ट केले आहे. लॉकडाउनच्या पूर्वतयारीसाठी म्हणून मार्चअखेरची कामे, कर्मचाऱ्यांचे वेतन देण्यासह आलेला माल उतरून घेण्यासाठी आणि ग्राहकांना गरजेच्या वस्तू खरेदीसाठी म्हणून काही दिवस दुकाने, प्रतिष्ठाने सुरू करण्यास परवानगी द्यावी, अशी मागणी करण्यात आल्याचे त्यांनी नमूद केले. आज, मंगळवारी दुकाने सुरू ठेवा, असे आवाहन करण्यात आल्याचेही व्यापारी संघटनेने नमूद केले.
ऑनलाईन विक्री बंद करा :
एकीकडे स्थानिक दुकानदार, विक्रेत्यांना दुकाने बंद करण्यास सांगितले जाते. कारवाई केली जाते. तर दुसरीकडे बंदच्या काळात ऑनलाईन विक्रीला सर्रास परवानगी कशी दिली जाते, हा स्थानिक व्यापाऱ्यावर अन्याय नाही का ? असा सवाल व्यापारी महासंघाने केला आहे. स्थानिक व्यापारी व ऑनलाईन मार्केट यांना एक समान न्याय मिळालाच पाहिजे, अशी मागणीही महासंघाने केली आहे.
पदाधिकाऱ्यांनी दिला असा पाठिंबा
व्यापारी महासंघाचे अध्यक्ष जगन्नाथ काळे, कॉन्फिडरेशन ऑफ ऑल इंडिया ट्रेडर्सचे (कॅट) उपाध्यक्ष अजय शाह, मराठवाडा चेंबर्स ऑफ कॉमर्स अॅण्ड ट्रेडचे अध्यक्ष प्रफुल्ल मालाणी, महासंघाचे सचिव लक्ष्मीनारायण राठी, उपाध्यक्ष विजय जैस्वाल, सहसचिव गुलाम हक्काणी, तनसुख झांबड, राम वारेगावकर आदींनी टिळक पथसह परिसरात भेटी देऊन व्यापारी वर्गाला येणाऱ्या अडीअडचणी जाणून घेतल्या.