महाराष्ट्र संघास सहा पदके

महाराष्ट्र संघास सहा पदके
अजिंक्य, मानसीला सुवर्ण
लोगो - राष्ट्रीय मॉडर्न पेटँथलॉन स्पर्धा
म. टा. प्रतिनिधी, औरंगाबाद
जिल्हा क्रीडा कार्यालयातर्फे आयोजित राष्ट्रीय शालेय मॉडर्न पेटँथलॉन स्पर्धेत महाराष्ट्र संघाने निर्विवाद वर्चस्व गाजवत सहा पदकांची कमाई केली.
एमजीएम क्रीडा संकुलात ही स्पर्धा झाली. महाराष्ट्राच्या अजिंक्य बालवडकर व मानसी मोहिते यांनी अनुक्रमे मुलांच्या व मुलींच्या गटात सुवर्णपदक जिंकले. यश जाधव व प्रज्ञा गायकवाडने रौप्य, तर मयंक चाफेकर व अदिती पाटील यांनी ब्राँझपदकावर नाव कोरले. एमजीएमच्या डॉ. अपर्णा कक्कड यांच्या हस्ते स्पर्धेचे उद्घाटन करण्यात आले. या प्रसंगी राकेश नायक, ऊर्मिला मोराळे, सुनील पूर्णपात्रे, दिनेश वंजारे, नीलेश हारदे, शाम तळेगावकर, संग्राम देशमुख यांची प्रमुख उपस्थिती होती.
पंच म्हणून शंकर माडगुंडी, विनय मराठे, जितेंद्र खासनिस, हर्षद इनामदार, सायली ठोसर यांनी काम पाहिले. स्पर्धेच्या यशस्वितेसाठी गोकुळ तांदळे, अजय पांडे, अनिकेत केसरकर, अश्विनी गुडी, अक्षय बिरादार, सचिन बोर्डे आदींनी पुढाकार घेतला.
अंतिम निकाल ः मुले - १. अजिंक्य बालवडकर (१३ मि. ३६.६९ से., महाराष्ट्र), २. यश जाधव (१३ मि. ३८.८० से., महाराष्ट्र), ३. मयंक चाफेकर (१४ मि. ११.५४ से., महाराष्ट्र).
मुली - १. मानसी मोहिते (१६ मि. ०३.०६ से., महाराष्ट्र), २. प्रज्ञा गायकवाड (१६ मि. ४१.२५ से., महाराष्ट्र), ३. अदिती पाटील (१६ मि. ५४.९४ से., महाराष्ट्र).