Soygaon Nagar Panchayat Live : सोयगाव नगरपंचायतमध्ये भगवा फडकला; सत्तारांचा दानवेंना धोबीपछाड

औरंगाबाद : मराठवाड्यासह राज्याचं लक्ष लागून असलेल्या औरंगाबादच्या सोयगाव नगरपंचायतीचे निकाल स्पष्ट झाले असून, शिवसेनेनं एकहाती सत्ता मिळवली आहे. तर भाजप दुसऱ्या क्रमांकावर असून, कॉंग्रेसचा सुपडासाफ झाला आहे. शिवसेनेला ११ तर भाजपला ०६ जागांवर विजय मिळाला आहे. त्यामुळे महसूल राज्यमंत्री अब्दुल सत्तार यांनी केंद्रीय रेल्वे राज्यमंत्री रावसाहेब दानवे यांना धक्का देत सत्ता नगरपंचायतची सत्ता ताब्यात मिळवली आहे.

सोयगाव नगरपंचायतसाठी एकूण १७ जागा होत्या त्यापैकी १३ जागांसाठी २१ डिसेंबर रोजी मतदान झालं होतं, तर 18 जानेवारीला उरलेल्या ०४ जागांसाठी मतदान झालं होते. या सर्वांचे निकाल हाती आले असून शिवसेनेला ११ तर भाजपला ०६ जागांवर समाधान मानावे लागले आहे.

काँग्रेसचा सुपडासाफ

गेल्यावेळी सोयगाव नगरपंचायतमध्ये काँग्रेसला तीन जागांवर विजय मिळवता आला होता. मात्र यावेळी काँग्रेसला खातेही उघडता आले नाही. त्यामुळे सोयगाव नगरपंचायतीच्या निकालानंतर कॉंग्रेसचा सुपडा साफ झाला असल्याचं चित्र पाहायला मिळाले.

राज्यभरात आज नगरपंचायतची मतमोजणी असून सकाळी दहा वाजेपासून मतमोजणीला सुरुवात झाली आहे. औरंगाबाद जिल्ह्यात सोयगाव नगरपंचायतसाठी (Soygaon Nagar Panchayat Election Results) 17 जागांवर मतदान झाले होते. त्यातील ११ जागांवर शिवसेनेने निर्विवाद विजय मिळवत विजयाचा झेंडा फडकवला आहे.

सोयगाव नगर पंचायत (Soygaon Nagar Panchayat Election Results)

वॉर्ड क्र. 1 शाहिस्ताबी राउफ,शिवसेना
वॉर्ड क्र. 2 शिवसेना अक्षय काळे, शिवसेना
वॉर्ड क्र. 3 दीपक पगारे, शिवसेना
वॉर्ड क्र. 4 हर्षल काळे, शिवसेना
वॉर्ड क्र. 5 वर्षा घनघाव,भाजप
वॉर्ड क्र. 6 संध्या मापारी,शिवसेना
वॉर्ड क्र. 7 सविता जावळे, भाजप
वॉर्ड क्र. 8 कुसुम दुतोंडे, शिवसेना
वॉर्ड क्र. 9 सुरेखा काळे,शिवसेना
वॉर्ड क्र. 10 संतोष बोडखे,शिवसेना
वॉर्ड क्र. 11 संदीप सुरडकर,भाजप
वॉर्ड क्र. 12 भगवान जोहरे,भाजप
वॉर्ड क्र. 13 ममता बाई इंगळे, भाजप
वॉर्ड क्र. 14 कदिर शहा, भाजप
वॉर्ड क्र. 15 सुलताना रौफ देशमुख,भाजप
वॉर्ड क्र. 16 राजू माळी, शिवसेना
वॉर्ड क्र. 17 आशाबी अश्रफ तडवी, शिवसेना

राज्यभरात निवडणूक निकालाची उत्सुकता

राज्यात विविध जिल्ह्यांमधील ९३ नगरपंचायतींच्या ३३६ जागांसाठी मंगळवारी सरासरी ८१ टक्के, तर विदर्भातील भंडारा आणि गोंदिया जिल्हा परिषदेच्या २३ आणि त्याअंतर्गतच्या पंचायत समितीच्या ४५ जागांसाठी ७३ टक्के मतदान झाल्याचा प्राथमिक अंदाज आहे, असे राज्य निवडणूक आयोगाकडून सायंकाळी सांगण्यात आले. या सर्व ठिकाणी बुधवारी सकाळी १० वाजता मतमोजणीस सुरुवात होईल. राज्यात आज सगळीकडे निवडणुकीच्या निकालाची रणधुमाळी पाहायला मिळेल.