औरंगाबाद: चिकलठाणा विमानतळाशेजारील म्हाडा कॉलनी येथे राहणाऱ्या अभियांत्रिकीच्या २३ वर्षांच्या विद्यार्थ्याने राहत्या घरी गळफास घेऊन आत्महत्या केली. ही घटना रविवारी (९ सप्टेंबर) दुपारी चार वाजता उघडकीस आली. सूरज दौलत झरे (वय २३,रा. म्हाडा कॉलनी) असे मृताचे नाव आहे. एमआयडीसी सिडको पोलिसांनी सांगितले की, सूरज हा म्हाडा कॉलनीत आई-वडील आणि दोन भावंडासह राहतो. रविवारी दुपारी त्याची आई स्वयंपाक घरात काम करीत होती, तर अन्य नातेवाईक घराबाहेर होते. यावेळी त्याने खोली आतून बंद करून पंख्याला गळफास घेतला. यानंतर त्याला घाटी हॉस्पिटलमध्ये दाखल करण्यात आले असता डॉक्टरांनी तपासून त्यास मृत घोषित केले. तो एका खासगी महाविद्यालयात अभियांत्रिकीच्या प्रथम वर्षात शिक्षण घेत होता. याप्रकरणी एमआयडीसी सिडको ठाण्यात अकस्मात मृत्यूची नोंद करण्यात आली.
गळफास घेऊन विद्यार्थ्याची आत्महत्या
चिकलठाणा विमानतळाशेजारील म्हाडा कॉलनी येथे राहणाऱ्या अभियांत्रिकीच्या २३ वर्षांच्या विद्यार्थ्याने राहत्या घरी गळफास घेऊन आत्महत्या केली...
Maharashtra Times 10 Sep 2018, 4:00 am