औरंगाबाद नामांतराचा मुद्दा पुन्हा चर्चेत; भाजपने विधानसभेत ठाकरे सरकारला घेरले

औरंगाबाद: जिल्ह्याचे नामकरण करून संभाजीनगर करण्याचा मुद्यावरून भाजपकडून शिवसेनेला पुन्हा एकदा घेरण्याचा प्रयत्न करण्यात आला आहे. विधानसभेत सुरू असलेल्या अधिवेशनात माजी वनमंत्री तथा आमदार सुधीर मुनगंटीवार यांनी औरंगाबाद जिल्ह्याचे नामकरण करून संभाजीनगर करण्याची मागणी केली. तर ११ मार्च रोजी संभाजीराजे यांची पुण्यतिथी असते आणि त्यामुळेच आजच्या दिवशीच औरंगाबादचे संभाजीनगर नामकरण करण्याची घोषणा करण्याची मागणी मुनगंटीवार यांनी केली.

यावेळी बोलताना मुनगंटीवार म्हणाले की, १९८८ शिवसेनेचे २७ नगरसेवक निवडून आल्यानंतर औरंगाबादच्या सांस्कृतिक मंडळाच्या मैदानावर बोलताना शिवसेनाप्रमुख बाळासाहेब ठाकरे यांनी औरंगाबादचे संभाजीनगर करण्याची घोषणा केली होती. त्यामुळे आता औरंगाबाद जिल्ह्याचे नामकरण करण्यासाठी काय हरकत आहे. आज संभाजीराजे यांची पुण्यतिथी असते आणि त्यामुळेच आजच्या दिवशी औरंगाबादचे संभाजीनगर नामकरण करण्याची घोषणा पर्यावरण मंत्री आदित्य ठाकरे किंवा परिवहन मंत्री अनिल परब आपण करावी, अशी मागणी मुनगंटीवार यांनी केली.

वाचाः शाळेतून परतणाऱ्या मुलीचा विनयभंग; जीवे मारण्याचीही धमकी दिली
अन्यथा आयुष्यात निवडणूक लढवणार नाही...

यावर पुढे बोलताना मुनगंटीवार म्हणाले की, आम्ही एखादा प्रश्न विचारला की अनिल परब साहेब तुम्ही केंद्राकडे बोट दाखवतात. त्यामुळे आज या सभागृहात मी वचन देतो की, जर औरंगाबादच्या नामकरण संदर्भात केंद्राची मदत लागत असेल तर मी स्वतः मुक्काम करेल आणि त्यासाठी प्रयत्न करेल. तसेच जर तरीही केंद्राने अनुमती दिली नाही तर मी राजीनामा देईल आणि आयुष्यात कधीही निवडणूक लढवणार नाही, असं मुनगंटीवार म्हणाले.

वाचाः भयंकर! १०० रुपये चोरल्याच्या संशयातून तरुणाचा निर्घृण खून; दारू विक्रेत्याचे कृत्य
वाचाः परिवहन मंत्र्यांच्या 'त्या' अल्टिमेटमनंतरही एसटी कर्मचारी संपावर कायम