म. टा. प्रतिनिधी, औरंगाबाद
मराठा आरक्षणासाठी आठ दिवसांपासून राज्यभर रण पेटले आहे. क्रांतीचौकातही आंदोलन सुरू आहे. या आंदोलनाला शनिवारी महाराष्ट्र मुस्लिम अवामी कमिटीने जाहीर पाठिंब्याचे पत्र क्रांती मोर्चाच्या पदाधिकाऱ्यांना दिले.
मराठा आरक्षणाला पाठिंबा देण्यासाठी महाराष्ट्र मुस्लिम अवामी कमिटीचे पदाधिकारी तसेच शेकडो कार्यकर्त्यांनी क्रांतीचौकात आंदोलनकर्त्यांची भेट घेतली. राज्य सरकारच्या महाभरतीमध्ये मराठा समाजाला १६ % तसेच मुस्लिम समाजाला ५ % आरक्षण मिळेपर्यंत राज्यभरात संघर्ष सुरू ठेवण्यात येणार आहे, असा इशारा यावेळी देण्यात आला. यावेळी इलियास किरमानी, खालिद सैफुद्दीन, नासेर नहदी चाऊस, अब्दुल रऊफ, एजाज झैदी, सोहेल झकीऊद्दीन, वाजेद कादरी, अबिद हुसैनी, सय्यद फरहाज, शोएब कास्मी, रफत खान, शकील अहमद, शेक मुक्तार, आमेर जहागिरदार, मो. अन्वर, शेख असिफ, मिर्झा हैदर, सऊद बगीझ, जावेद साहेब खान, निझाम खान, डॉ. अझीझ, शेक अरेफुद्दीन, आदिल खान, डॉ. शादाब, शारेक काझी, आदींची उपस्थिती होती.