पैठण : पैठण शहराच्या दक्षिण भागात बुधवारी सकाळी दहा वाजून एक मिनिटाला पुन्हा एकदा मोठा गूढ आवाज ऐकू आला. सतत होणाऱ्या आवाजामुळे शहर व तालुक्यात घबराटीचे वातावरण असून नागरिकांनी चौकशीची मागणी केली आहे. नेहमीच्या आवाजापेक्षा या आवाजाची तीव्रता अधिक होती. तालुक्यातील दक्षिण व पूर्व भागातील पाटेगाव, चनकवाडी, सोनवाडीसह अनेक गावांमध्ये हा आवाज ऐकू आला. या आवाजामुळे घरांचे पत्रे हादरले, भीतिमुळे कुटुंबासह घराबाहेर पळालो, अशी माहिती पॉवर हाउस परिसरातील सिद्धार्थ रोडगे यांनी दिली. दरम्यान, बुधवारी झालेल्या गूढ आवजाची जायकवाडी धरणाच्या भूकंपमापक केंद्रावर नोंद झाली नसल्याची माहिती पाटबंधारे विभागाचे शाखा अभियंता अशोक चव्हाण यांनी दिली. गूढ आवाजाविषयी महसूल विभागकडे चौकशी केली असता, बुधवारी झालेल्या गूढ आवाजाची कोणतीही नोंद नसल्याची माहिती देण्यात आली.
गूढ आवाजाने पैठण पुन्हा हादरले
पैठण शहराच्या दक्षिण भागात बुधवारी सकाळी दहा वाजून एक मिनिटाला पुन्हा एकदा मोठा गूढ आवाज ऐकू आला. सतत होणाऱ्या आवाजामुळे शहर व तालुक्यात घबराटीचे वातावरण असून नागरिकांनी चौकशीची मागणी केली आहे.
Maharashtra Times 26 May 2016, 3:00 am