सोयगाव/ फर्दापूरः
राज्य परिवहन महामंडळाचा राज्यव्यापी संपाच्या पार्श्वभूमीवर महाराष्ट्र राज्य पर्यटन महामंडळाने तयारी केली नसल्याने पर्यटकांचे मोठे हाल झाले. बस बंद असल्याने पर्यटकांना बैलगाडीतून व पायी प्रवास करून लेणीला जावे लागले. अनेक पर्यटक लेणी न पाहताच परत गेले.
अजिंठा लेणीत परिसरात खाजगी वाहनांना प्रवेश बंदी आहे. त्यामुळे फर्दापूर टी पॉइंट येथून महमंडळाच्या प्रदूषणमुक्त बसमधून प्रवास करावा लागतो. बसचा संप असल्याने मंगळवारी फर्दापूर येथे पोहोचलेल्या प्रवाशांची अडचण झाली. काही पर्यटकांनी पर्यटन विकास महामंडळाच्या व्यवस्थापकांचे कार्यालय गाठून त्यांना जाब विचारण्याचा प्रयत्न केला, मात्र व्यवस्थापक सुट्टीवर गेले होते. त्यांनी मोबाइलही बंद ठेवला असल्याने पर्यटकांनी संताप व्यक्त केला.
फर्दापूर येथील काही स्थानिक नागरिकांनी बैलगाडीमधून शंभर ते दोनशे रुपये प्रतिव्यक्ती याप्रमाणे पर्यटकांची वाहतूक केली. स्वतंत्र बैलगाडी हवी असेल तर हजार रुपये आकारण्यात आले. त्यामुळे काही पर्यटकांनी बैलगाडीतून, तर काही पर्यटकांनी पायीच अजिंठा लेणी गाठली. दिवाळीच्या सुट्ट्या व मंगळवारी वेरूळ लेणी बंद असल्याने अजिंठा लेणी पाहण्यासाठी हजारो पर्यटक आले होते.
दुपारनंतर बस सेवा
पर्यटकांचा रोष लक्षात घेऊन सोयगावचे नायब तहसीलदार पी. टी. जाधव, फर्दापूर पोलिस ठाण्याचे सहाय्यक पोलिस निरीक्षक शरद जऱ्हाड, उपनिरीक्षक निलेश घोरपडे यांनी मध्यस्थी केली. त्यानंतर खासगी चालकांना नियुक्त करून त्यांच्यामार्फत सोयगाव आगाराने दुपारी पावणे दोन वाजता बस सेवा सुरू करण्यात आली.
राज्य परिवहन महामंडळाचा राज्यव्यापी संपाच्या पार्श्वभूमीवर महाराष्ट्र राज्य पर्यटन महामंडळाने तयारी केली नसल्याने पर्यटकांचे मोठे हाल झाले. बस बंद असल्याने पर्यटकांना बैलगाडीतून व पायी प्रवास करून लेणीला जावे लागले. अनेक पर्यटक लेणी न पाहताच परत गेले.
अजिंठा लेणीत परिसरात खाजगी वाहनांना प्रवेश बंदी आहे. त्यामुळे फर्दापूर टी पॉइंट येथून महमंडळाच्या प्रदूषणमुक्त बसमधून प्रवास करावा लागतो. बसचा संप असल्याने मंगळवारी फर्दापूर येथे पोहोचलेल्या प्रवाशांची अडचण झाली. काही पर्यटकांनी पर्यटन विकास महामंडळाच्या व्यवस्थापकांचे कार्यालय गाठून त्यांना जाब विचारण्याचा प्रयत्न केला, मात्र व्यवस्थापक सुट्टीवर गेले होते. त्यांनी मोबाइलही बंद ठेवला असल्याने पर्यटकांनी संताप व्यक्त केला.
फर्दापूर येथील काही स्थानिक नागरिकांनी बैलगाडीमधून शंभर ते दोनशे रुपये प्रतिव्यक्ती याप्रमाणे पर्यटकांची वाहतूक केली. स्वतंत्र बैलगाडी हवी असेल तर हजार रुपये आकारण्यात आले. त्यामुळे काही पर्यटकांनी बैलगाडीतून, तर काही पर्यटकांनी पायीच अजिंठा लेणी गाठली. दिवाळीच्या सुट्ट्या व मंगळवारी वेरूळ लेणी बंद असल्याने अजिंठा लेणी पाहण्यासाठी हजारो पर्यटक आले होते.
दुपारनंतर बस सेवा
पर्यटकांचा रोष लक्षात घेऊन सोयगावचे नायब तहसीलदार पी. टी. जाधव, फर्दापूर पोलिस ठाण्याचे सहाय्यक पोलिस निरीक्षक शरद जऱ्हाड, उपनिरीक्षक निलेश घोरपडे यांनी मध्यस्थी केली. त्यानंतर खासगी चालकांना नियुक्त करून त्यांच्यामार्फत सोयगाव आगाराने दुपारी पावणे दोन वाजता बस सेवा सुरू करण्यात आली.