म. टा. प्रतिनिधी, औरंगाबाद
ज्येष्ठ समाजवादी नेते पन्नालाल सुराणा यांना आज स्वातंत्र सेनानी श्यामराव बोधनकर स्मृती प्रतिष्ठानतर्फे दिल्या जाणाऱ्या सेवा गौरव पुरस्काराने सन्मानित केले जाणार आहे. वसंतराव नाईक कॉलेजमध्ये सायंकाळी पाच वाजता हा पुरस्कार वितरण सोहळा सुरू होईल.
ज्येष्ठ स्वातंत्र सेनानी ना. वि. देशपांडे यांच्या हस्ते या पुरस्कार प्रदान केले जाणार असून, ज्येष्ठ साहित्यिक, माजी संमेलनाध्यक्ष डॉ. सदानंद मोरे यांच्या अध्यक्षतेखाली हा कार्यक्रम होणार आहे. यात अंधश्रद्धा निर्मूलन समितीचे सचिव शहाजी भोसले यांना प्रोत्साहनपर पुरस्कार, तर हॅलो मेडिकल फाउंडेशनच्या डॉ. शुभांगी अहंकारी यांना इंद्रायणी बोधनकर स्मृती पुरस्कार प्रदान केला जाणार आहे. कार्यक्रम मोठ्या संख्येने उपस्थित राहावे, असे आवाहन प्रतिष्ठानचे अध्यक्ष डॉ. पी. डी. जोशी पाटोदेकर, संयोजक राजाराम राठोड, डॉ. राघवेंद्र चाकूरकर व डॉ. उर्मिला चाकूरकर यांनी केले आहे.