म.टा. प्रतिनिधी
हद्दपार आरोपीने साथीदाराच्या मदतीने फुलंब्रीच्या व्यापाऱ्याचे दोन हजार रुपये लुबाडल्याची घटना बुधवारी दुपारी सव्वातीन वाजता बायजीपुरा भागात हा प्रकार घडली. गुन्हा दाखल झाल्यानंतर अवघ्या दीड तासात जिन्सी पोलिसांनी हद्दपार गुंडाला अटक केली आहे.
गणेश तावडे (वय ३२, रा. फुलंब्री) हे व्यापारी बुधवारी कामानिमित्त शहरात आले होते. दुपारी सव्वातीन वाजता एमजीएम हॉस्पिटल समोरून जवाहर कॉलनीकडे जाण्यासाठी रिक्षात बसले होते. त्या रिक्षामध्ये पूर्वीपासून दोन प्रवासी बसलेले होते. रिक्षाचालकाने तावडे यांना बायजीपुरा येथून एका आजारी रुग्णाला सोबत घेऊन नंतर जवाहर कॉलनीत जाऊ असे सांगत रिक्षा बायजीपुऱ्याकडे घेतली. जुना बायजीपुरा भागातील जिशान हॉटेल समोर रिक्षा थांबवली. रिक्षात बसलेल्या दोघांनी तावडे यांना खाली उतरवत जवळ असलेल्या गल्लीत नेले. या ठिकाणी दमदाटी करीत त्यांना खिशातील रक्कम काढण्यास सांगितली. तावडे यांनी नकार दिला असता आरोपींनी जबरदस्तीने खिशातील दोन हजार रुपये काढून घेत धमकी देत पसार झाले. तावडे यांनी परिसरात माहिती घेतली असता हे आरोपी रेकॉर्डवरील गुन्हेगार व हद्दपार आरोपी शेख अलीम शेख शौकत (वय ३३, रा. जुना बायजीपुरा) व त्याचा साथीदार सलमानखान उस्मानखान असल्याची माहिती मिळाली. या माहितीवरून तावडे यांनी जिन्सी पोलिस ठाणे गाठून दोघांविरुद्ध जबरी चोरीचा गुन्हा दाखल केला.
…
\Bकाही तासात गजाआड
\Bया प्रकरणी रात्री साडेदहा वाजता गुन्हा दाखल करण्यात आला. गुन्हे प्रकटीकरण पथकाने वर्णनावरून आरोपींचा शोध सुरू केला. अवघ्या दीड तासात आरोपी शेख अलिमला बायजीपुरा परिसरात अटक करण्यात आली. अलीम सध्या हद्दपार असून ते देखील त्याचे शहरात वास्तव्य असल्याचे दिसून आले आहे. ही कारवाई एपीआय जोगदंड यांच्या मार्गदर्शनाखाली पीएसआय रफीक शेख, संपत राठोड, हारुण शेख, संजय गावंडे व सुनिल जाधव यांनी केली.
…
\Bआरोपींने दोनशे दिले वापस
\Bआरोपी अलीम व सलमानने तावडे यांच्या खिशातून दोन हजार रुपये काढून घेतले. या सर्व शंभराच्या नोटा होत्या. तावडे यांनी त्यांच्याजवळ काहीच रक्कम उरली नसल्याचे आरोपींना सांगितले. यावर आरोपींनी त्यांना दोनशे रुपये परत केले व सिधा घरपे जाने का असे म्हणत निघून गेले.