औरंगाबाद: चिकलठाणा एमआयडीसीमधील मेल्ट्रॉन कंपनीत उभारल्या जात असलेल्या विशेष कोविड रुग्णालयाची उभारणी अंतिम टप्प्यात आहे. या २५० खाटांच्या रुग्णालयाची पालकमंत्री सुभाष देसाई हे शनिवारी (३० मे) सकाळी दहा वाजता पाहणी करणार आहेत. शहरातील कोविड रुग्णांची संख्या वाढत असल्याने त्यांनी गेल्या महिन्यात हा निर्णय घेऊन एमआयडीसीवर रुग्णालय उभारणीची जबाबदारी सोपविली होती. हे रुग्णालय १३ जूनपूर्वी महापालिकेस हस्तांतरित करायचे आहे. यानंतर साडेदहा वाजता डॉ. बाबासाहेब आंबेडकर मराठवाडा विद्यापीठात असलेल्या कोविड टेस्टिंग लॅबचीही पालकमंत्री पाहणी करणार असून सकाळी ११ वाजता जिल्हाधिकारी कार्यालयात करोनाविषयी आढावा बैठक घेण्यात येणार आहे.
पालकमंत्री करणार रुग्णालयाची पाहणी
चिकलठाणा एमआयडीसीमधील मेल्ट्रॉन कंपनीत उभारल्या जात असलेल्या विशेष कोविड रुग्णालयाची उभारणी अंतिम टप्प्यात आहे...
महाराष्ट्र टाइम्स.कॉम 30 May 2020, 4:00 am