म. टा. प्रतिनिधी, औरंगाबाद
वाहन चालकाने धडक दिल्यामुळे बीड बायपासवर गंभीर जखमी पडलेल्या बेशुद्ध तरुणाचे प्राण शनिवारी वाहतूक पोलिसांमुळे वाचले. शेख अल्तमश (रा. सातारा परिसर) असे जखमी तरुणाचे नाव आहे.
पोलिसांनी दिलेल्या माहितीनुसार अल्तमश हा दुचाकीवरून एमआयटी कॉलेजच्या समोरून जात होता. त्याच्या मोटार सायकलला अज्ञात गाडीने धडक देवून पळ काढला. या अपघातात त्याच्या डोक्याच्या मागच्या भागास गंभीर दुखापत झाली. घटनास्थळी बरीच गर्दी होती, मात्र कोणीही मदत करण्यास पुढे येत नव्हते. ही माहिती बीड बायबास येथील नागरिकाने वाहतूक शाखेचे पोलिस निरीक्षक मधुकर सावंत यांना दिली. सावंत यांनी तात्काळ घटनास्थळी बीट मार्शलची गाडी पाठवली. या तरुणाला कमलनयन बजाज रुग्णालयात दाखल केले. वेळीच उपचार मिळाल्यामुळे या तरुणाचा जीव वाचला. डॉक्टरांनी केलेल्या उपचारानंतर त्याला काही तासांत शुद्धी आली. काही वेळेतच मधुकर सावंत देखील रुग्णालयात पोचले. त्यांनी अल्तमशच्या प्रकृतीची विचारपूस केली. तो पर्यंत अल्ताफचे नातेवाईकही रुग्णालयात पोचले. त्यांनी पोलिसांचे व डॉक्टरांचे आभार मानले. सातारा पोलिस ठाण्यात या घटनेची नोंद करण्यात आली आहे.
हेल्मेट होते हॅँडलला
अल्तमशकडे हल्मेट होते, मात्र त्याने हॅंडलला अडकवून ठेवले होते. त्याने हेल्मेट डोक्यात घातले असते, तर त्याला कदाचित गंभीर दुखापत झाली नसती. त्याच्या डोक्यातून रक्त निघत होते. पोलिस घटना स्थळी पोचले नसते, तर धोका होता, असे प्रत्यक्षदर्शींनी सांगितले. दरम्यान दुचाकीस्वाराने हेल्मेट घालावे, असे आवाहन वरिष्ठ पोलिस निरीक्षक मधुकर सावंत यांनी केले आहे.
वाहन चालकाने धडक दिल्यामुळे बीड बायपासवर गंभीर जखमी पडलेल्या बेशुद्ध तरुणाचे प्राण शनिवारी वाहतूक पोलिसांमुळे वाचले. शेख अल्तमश (रा. सातारा परिसर) असे जखमी तरुणाचे नाव आहे.
पोलिसांनी दिलेल्या माहितीनुसार अल्तमश हा दुचाकीवरून एमआयटी कॉलेजच्या समोरून जात होता. त्याच्या मोटार सायकलला अज्ञात गाडीने धडक देवून पळ काढला. या अपघातात त्याच्या डोक्याच्या मागच्या भागास गंभीर दुखापत झाली. घटनास्थळी बरीच गर्दी होती, मात्र कोणीही मदत करण्यास पुढे येत नव्हते. ही माहिती बीड बायबास येथील नागरिकाने वाहतूक शाखेचे पोलिस निरीक्षक मधुकर सावंत यांना दिली. सावंत यांनी तात्काळ घटनास्थळी बीट मार्शलची गाडी पाठवली. या तरुणाला कमलनयन बजाज रुग्णालयात दाखल केले. वेळीच उपचार मिळाल्यामुळे या तरुणाचा जीव वाचला. डॉक्टरांनी केलेल्या उपचारानंतर त्याला काही तासांत शुद्धी आली. काही वेळेतच मधुकर सावंत देखील रुग्णालयात पोचले. त्यांनी अल्तमशच्या प्रकृतीची विचारपूस केली. तो पर्यंत अल्ताफचे नातेवाईकही रुग्णालयात पोचले. त्यांनी पोलिसांचे व डॉक्टरांचे आभार मानले. सातारा पोलिस ठाण्यात या घटनेची नोंद करण्यात आली आहे.
हेल्मेट होते हॅँडलला
अल्तमशकडे हल्मेट होते, मात्र त्याने हॅंडलला अडकवून ठेवले होते. त्याने हेल्मेट डोक्यात घातले असते, तर त्याला कदाचित गंभीर दुखापत झाली नसती. त्याच्या डोक्यातून रक्त निघत होते. पोलिस घटना स्थळी पोचले नसते, तर धोका होता, असे प्रत्यक्षदर्शींनी सांगितले. दरम्यान दुचाकीस्वाराने हेल्मेट घालावे, असे आवाहन वरिष्ठ पोलिस निरीक्षक मधुकर सावंत यांनी केले आहे.