म. टा. प्रतिनिधी, कन्नड
तालुका क्रीडा संकुल व शिवाजी महाविद्यालय यांच्या संयुक्त विद्यमानाने राजमाता जिजाऊ व स्वामी विवेकानंद जयंतीनिमित्त तालुक्यातील राज्य व राष्ट्रीयस्तरावर चमकल्या खेळाडूंना प्रोत्साहन देणाऱ्या मातांचा सत्कार करण्यात आला.
प्रथम राजमाता जिजाऊ व स्वामी विवेकानंद यांच्या प्रतिमेला पुष्पहार अर्पण करण्यात येऊन अभिवादन करण्यात आले. त्यानंतर खेळाडूंच्या माता सखुबाई गायकवाड, कुसुमबाई चव्हाण, सखुबाई दणेक, दीपमाला चौधरी, नवश्याबाई राठोड, रंजना राठोड, योगिता पुणे, नंदा मालकर, मनीषा जंजाळ, सविता दापके, मनीषा डोळस, अर्चना शिंदे, प्रणाली सनांसे यांच्यासह पाल्य, खेळाडूंचा सत्कार करण्यात आला. यावेळी क्रीडा प्रशिक्षण देणारे क्रीडा शिक्षक विजय बारवाल, श्याम खोसरे, राकेश निकम यांचाही सत्कार करण्यात आला.
या कार्यक्रमासाठी महाराष्ट्र राज्य तलवारबाजी संघटनेचे सचिव डॉ. उदय डोंगरे, वरिष्ठ लेखा परीक्षक शरद भिंगारे, कन्नड शहर पोलिस स्टेशनचे निरीक्षक रामेश्वर रेगे, नगर परिषदेच्या मुख्य कार्यकारी अधिकारी नंदा गायकवाड, प्राचार्य डॉ. विजय भोसले, उपप्राचार्य भाऊसाहेब मगर, तालुका क्रीडा संकुल समिती सदस्य प्रवीण शिंदे, ग्रामीण रुग्णालयाचे संजय सोनवणे, शशिकांत गांगुर्डे, डॉ. प्रशांत संघई आदींची प्रमुख उपस्थिती होती. कार्यक्रमाचे सूत्रसंचालन डॉ. रामचंद्र झाडे यांनी केले, तर डॉ. प्रशांत संघई यांनी आभार मानले मानले.