औरंगाबाद : वंचित बहुजन आघाडी आणि 'एमआयएम'चे उमेदवार आमदार इम्तियाज जलील यांच्या प्रचारार्थ खासदार असदुद्दीन ओवेसी यांनी शहरात विविध भागात पदयात्रा काढून मतदारांची भेट घेतली.
ओवेसी यांनी सकाळी साडेनऊच्या सुमारास शाहनूरवाडी भागातून प्रचार सुरू केला. त्यानंतर ते उस्मानपुरा भागात पोहोचले. या भागातील नागरिकांची भेट घेतली. मिलिंदनगर, हमालवाडा, अरबार कॉलनी, सादातनगर, जहागिरदार कॉलनी या भागातील जनतेशी संवाद साधला.
शाहनूरवाडीत मतदारांशी संपर्क साधताना एका महिलेने खासदार ओवेसी यांना आपल्या भागात होणाऱ्या दूषित पाण्याचा मुद्दा मांडला. चार ते पाच किलोमीटरची पदयात्रा काढल्यानंतर ते जटवाडा रोड येथे डॉ. गफ्फार कादरी यांच्या उपस्थितीत आयोजित बैठकीला हजेरी लावली. सायंकाळी खासदार ओवेसी यांची खुलताबाद येथे सभा झाली. त्यानंतर त्यांची कन्नड येथे सभा होती.
……