औरंगाबाद: जालना रोडवरील शोरुमचे शटर उचकटून ११ लाखांचे एलईडटीव्ही चोरणाल्याप्रकरणी पोलिसांनी अटक केलेल्या मुस्तफा रबुल अन्सारी (वय २२, रा. खैरा टुंडा, गिरीडीह, झारखंड, ह. मु. भारतनगर) याला सहा जूनपर्यंत पोलिस कोठडीत ठेवण्याचे आदेश प्रथम वर्ग न्यायदंडाधिकारी एस.एस. मांजरेकर यांनी मंगळवारी दिले. त्याच्याकडून १५ एलईडी टीव्ही जप्त केले आहेत. या प्रकरणी लकजितसिंग केसरसिंग दुमडा (रा. सिंधी कॉलनी) यांनी दिलेल्या तक्रारीवरून जवाहरनगर पोलिस ठाण्यात गुन्हा दाखल करण्यात आला होता. तपासादरम्यान पोलिसांनी सीसीटीव्ही फुटेज प्राप्त केले. टीव्ही चोरून देवळाई परिसरातून चोरलेली दुचाकी व रिक्षातून पुंडलिकनगरातील एका घरात ठेवले होते. उर्वरित १२ टीव्ही जप्त करणे आहे. साथीदार शेख जाहेद शेख गणी (रा. भारतनगर) व सोहेल सत्तार तांबोळी यांना अटक करायची असल्याने आरोपीला पोलिस कोठडी देण्याची विनंती सहाय्यक सरकारी वकील बालाजी गवळी यांनी केली.
शोरूममध्ये चोरी; आरोपीला कोठडी
जालना रोडवरील शोरुमचे शटर उचकटून ११ लाखांचे एलईडटीव्ही चोरणाल्याप्रकरणी पोलिसांनी अटक केलेल्या मुस्तफा रबुल अन्सारी (वय २२, रा...
महाराष्ट्र टाइम्स.कॉम 3 Jun 2020, 4:00 am