युवकांनी वाचविले जखमी मोराचे प्राण

परभणी: सेलू (जि.परभणी ) तालुक्यातील मालेटाकळी शिवारातील एका कोरड्या विहिरीत पडलेल्या जखमी मोराचे प्राण तीन युवकांनी वाचवले. त्या मोराला या युवकांनी सुखरूप बाहेर काढले.

मोर विहीरीत पडल्याचे दिसले असता शेतात काम करत असलेल्या गजानन ताठे, विष्णू उगले व केशव दाजी यापैकी दोघे जण घोंगट्याचे कापड घेऊन विहीरीत उतरले. कापड मोराला गुंडाळून बांधले, तर वरती उभे असलेल्या युवकाने दोराच्या साहाय्याने मोराला अलगद वर उचलून बाहेर काढले. त्याला पाणी पाजून जवळच्या जंगलात सोडून देण्यात आले.