औरंगाबाद: करोनाने बुधवारी उच्चभ्रू वसाहत समजल्या जाणाऱ्या टिळकनगर आणि भाग्यनगरमध्ये प्रवेश केला. त्याचसोबतच मिसारवाडी, शिवनेरी कॉलनी आणि जयभवानीनगरातही करोनाचे रुग्ण आढळले. मिसारवाडी भागात आतापर्यंत एकही रुग्ण नव्हता, बुधवारी येथे रुग्णाची नोंद झाली. जयभवानीनगर ही वसाहत दाट लोकवस्तीची आहे. त्यामुळे येथे भीतीचे वातावरण आहे. करोनाचा फैलाव रोखण्यासाठी प्रशासनाकडून उपाययोजना केल्या जात आहेत. भाग्यनगरात बाहेरगावाहून आलेल्या व्यक्तीला करोनाची लागण झाल्याचे स्पष्ट झाले आहे. शिवनेरी कॉलनीमधील रुग्ण करोनाबाधिताच्या संपर्कातील होता. नव्याने रुग्ण सापडले भाग सील करून जंतुनाशकांची फवारणी केली जात आहे.
टिळकनगर, भाग्यनगरात करोनाचा शिरकाव
करोनाने बुधवारी उच्चभ्रू वसाहत समजल्या जाणाऱ्या टिळकनगर आणि भाग्यनगरमध्ये प्रवेश केला...
महाराष्ट्र टाइम्स.कॉम 28 May 2020, 4:00 am