म. टा. प्रतिनिधी, औरंगाबाद
अमृतयात्रा आयोजित ‘स्वयं’ कार्यक्रमाचे आयोजन शहरात शनिवारी (नऊ डिसेंबर) करण्यात आले आहे. एमजीएम परिसरातील रुक्मिणी सभागृहात सायंकाळी साडेपाच ते आठ या वेळेत हा कार्यक्रम होणार आहे.
प्रमुख वक्ते म्हणून डॉ. उदय निरगुडकर हे मार्गदर्शन करणार आहेत. तसेच आदिवासी समाजातील पहिले आयएएस अधिकारी व सोलापूर जिल्ह्याचे सीईओ डॉ. राजेंद्र भारूड, अभिनव फार्मर्स क्लबच्या माध्यमातून एक लाख शेतकऱ्यांना जोडणारे प्रयोगशील शेतकरी ज्ञानेश्वर बोडके, फिटनेस क्षेत्रात मुव्हमेंट कल्चर रुजवणारे फिटनेस ट्रेनर नुपूर शिकारे हे आपला अनुभव सांगणार आहेत. पगारिया ऑटो प्रस्तुत स्वयं कार्यक्रमाचे महाराष्ट्र टाइम्स हे मीडिया पार्टनर आहेत. अधिक माहितीसाठी नीलेश सातोनकर, निखिल देशपांडे यांच्याशी संपर्क साधावा, असे आवाहन करण्यात आले आहे.
- स्थळः एमजीएम रुक्मिणी सभागृह
- वेळः सायंकाळी साडेपाच वाजता.
- वक्तेः डॉ. उदय निरगुडकर, डॉ. राजेंद्र भारूड
ज्ञानेश्वर बोडके, नुपूर शिकारे