तोडलेल्या झाडांना आज श्रद्धांजली सभा

औरंगाबाद: कांचनवाडी येथे ७० ते ८० वर्षे जुने वडाचे झाड सार्वजनिक बांधकाम विभागाने वृक्ष प्राधिकरणाची परवानगी न घेता तोडले. या तोडलेल्या झाडाला श्रद्धांजली अर्पण करण्याचा कार्यक्रम निसर्गप्रेमींनी मंगळवारी (१८ सप्टेबर) आयोजित केला आहे. सकाळी पावणेआठ वाजता पैठणरोड वरील शांती नर्सिंग होम शेजारी हा कार्यक्रम होणार आहे. यावेळी निसर्ग संवर्धनासाठी काम करणाऱ्या संस्थांच्या प्रतिनिधींनी मोठ्या संख्येने उपस्थित रहावे, असे आवाहन संयोजकांनी केले आहे.