म. टा. प्रतिनिधी, उस्मानाबाद
तुळजापूर येथील तुळजाभवानी मंदिरात गुरुवारी भेंडोळी उत्सवाचे आयोजन करण्यात आले होते. यावर्षीही कार्यक्रमासाठी भाविकांनी गर्दी केली होती. मात्र, गेल्या तीन दिवसांपासून सुरू असलेल्या संपाचा परिणाम दर्शनासाठी येणाऱ्या भविकांवरही झाला असून तुळजापूर येथे येणाऱ्या भाविकांची संख्या मोठ्या प्रमाणात रोडावली आहे.
तुळजाभवानी मंदिरात गुरुवारी भेंडोळी उत्सव उत्साही वातावरणात पार पडला. मंदिरातील काळभैरवनाथाच्या मंदिरातून पेटलेली भेंडोळी मंदिर प्रदिक्षणा केल्यानंतर शिवाजी दरवाजातून मंदिरात आणण्यात आली. यावेळी मार्गावर भाविक तेल, तूप वाहून पूजन करीत होते. मंदिराला प्रदिक्षणा पार पडल्यानंतर भेंडोळी शांत करण्यात आली. यावेळी भाविकासह मंदिरातील पुजारी मोठ्या संख्येने उपस्थित होते.
दरम्यान, गेल्या तीन दिवासांपासून एसटी च्या कामगारांच्या संपामुळे दिवाळीच्या सुट्टीत तुळजाभवानीच्या दर्शनासाठी येणाऱ्या भविकांवरही झाला आहे. त्यामुळे तुळजापूर येथे येणाऱ्या भाविकांची संख्या रोडावली आहे. बसस्थानकातून व्यापार करणाऱ्या व्यापाऱ्यांचे, पेपर विक्रेत्यांचेही मोठे नुकसान होत आहे.
एसटीचा संप सुरू झाल्यामुळे खासगी ट्रॅव्हल्स व अवैध वाहतूक करणाऱ्या वाहन चालकांची मात्र चांदी झाली आहे. खासगी ट्रॅव्हल्सनी दरात चारपट वाढ केली आहे. तर,अवैध वाहतूक करणारे वाहनचालक प्रवाशांची अडवणूक करून मनमानी करताना दिसत आहेत.
ऐन दिवाळी सणात गावी परतण्याचे वेध लागलेले चाकरमानी, घराच्या वाटेकडे डोळे लावून बसणाऱ्या माहेरवाशिणी यांच्या प्रवासात या संपाची खीळ बसली
आहे. एसटीच्या भरवशावर आगाऊ आरक्षण केलेल्याचे तीन दिवसांपासून हाल होत आहेत. अशातच खासगी वाहतूकदारांनी भाडेवाढ केल्याने त्यांना आर्थिक फटका बसला आहे. एस. टी. कर्मचाऱ्यांनी ऐन दिवाळीच्या सणात पुकारलेल्या या संपामुळे नागरिकांसह प्रवाशांत तीव्र नाराजी आहे. अशातच राष्ट्रवादी काँग्रेसचे आमदार राणाजगजितसिंह पाटील यांनी या संपाला पाठिंबा दिल्यामुळे आता या संपाला राजकीय वळण लागण्याची दाट शक्यता वर्तविण्यात येत आहे.
राज्य सरकारने या संपाबाबत सन्माननीय तोडगा काढून हा संप मिटवावा किंवा या संपकऱ्याविरोधात कडक भूमिका घेत पर्यायी व्यवस्था करून, प्रवाशांचे
हाल थाबवावेत अशी मागणी नागरिकांकडून होत आहे.
तुळजापूर येथील तुळजाभवानी मंदिरात गुरुवारी भेंडोळी उत्सवाचे आयोजन करण्यात आले होते. यावर्षीही कार्यक्रमासाठी भाविकांनी गर्दी केली होती. मात्र, गेल्या तीन दिवसांपासून सुरू असलेल्या संपाचा परिणाम दर्शनासाठी येणाऱ्या भविकांवरही झाला असून तुळजापूर येथे येणाऱ्या भाविकांची संख्या मोठ्या प्रमाणात रोडावली आहे.
तुळजाभवानी मंदिरात गुरुवारी भेंडोळी उत्सव उत्साही वातावरणात पार पडला. मंदिरातील काळभैरवनाथाच्या मंदिरातून पेटलेली भेंडोळी मंदिर प्रदिक्षणा केल्यानंतर शिवाजी दरवाजातून मंदिरात आणण्यात आली. यावेळी मार्गावर भाविक तेल, तूप वाहून पूजन करीत होते. मंदिराला प्रदिक्षणा पार पडल्यानंतर भेंडोळी शांत करण्यात आली. यावेळी भाविकासह मंदिरातील पुजारी मोठ्या संख्येने उपस्थित होते.
दरम्यान, गेल्या तीन दिवासांपासून एसटी च्या कामगारांच्या संपामुळे दिवाळीच्या सुट्टीत तुळजाभवानीच्या दर्शनासाठी येणाऱ्या भविकांवरही झाला आहे. त्यामुळे तुळजापूर येथे येणाऱ्या भाविकांची संख्या रोडावली आहे. बसस्थानकातून व्यापार करणाऱ्या व्यापाऱ्यांचे, पेपर विक्रेत्यांचेही मोठे नुकसान होत आहे.
एसटीचा संप सुरू झाल्यामुळे खासगी ट्रॅव्हल्स व अवैध वाहतूक करणाऱ्या वाहन चालकांची मात्र चांदी झाली आहे. खासगी ट्रॅव्हल्सनी दरात चारपट वाढ केली आहे. तर,अवैध वाहतूक करणारे वाहनचालक प्रवाशांची अडवणूक करून मनमानी करताना दिसत आहेत.
ऐन दिवाळी सणात गावी परतण्याचे वेध लागलेले चाकरमानी, घराच्या वाटेकडे डोळे लावून बसणाऱ्या माहेरवाशिणी यांच्या प्रवासात या संपाची खीळ बसली
आहे. एसटीच्या भरवशावर आगाऊ आरक्षण केलेल्याचे तीन दिवसांपासून हाल होत आहेत. अशातच खासगी वाहतूकदारांनी भाडेवाढ केल्याने त्यांना आर्थिक फटका बसला आहे. एस. टी. कर्मचाऱ्यांनी ऐन दिवाळीच्या सणात पुकारलेल्या या संपामुळे नागरिकांसह प्रवाशांत तीव्र नाराजी आहे. अशातच राष्ट्रवादी काँग्रेसचे आमदार राणाजगजितसिंह पाटील यांनी या संपाला पाठिंबा दिल्यामुळे आता या संपाला राजकीय वळण लागण्याची दाट शक्यता वर्तविण्यात येत आहे.
राज्य सरकारने या संपाबाबत सन्माननीय तोडगा काढून हा संप मिटवावा किंवा या संपकऱ्याविरोधात कडक भूमिका घेत पर्यायी व्यवस्था करून, प्रवाशांचे
हाल थाबवावेत अशी मागणी नागरिकांकडून होत आहे.