सिल्लोड: शिवसेनेचे उमेदवार अब्दुल सत्तार यांच्या प्रचारार्थ शहरातील जिल्हा परिषद शाळेच्या प्रांगणात रविवारी (१३ ऑक्टोबर) सकाळी १० वाजता शिवसेना पक्षप्रमुख उद्धव ठाकरे यांची सभा होणार आहे. युती सरकारच्या काळात १९९९ मध्ये शिवसेनाप्रमुख बाळासाहेब ठाकरे यांनी करंजखेड येथे भोईदेव यात्रेसाठी जाताना शहरातील प्रियदर्शनी चौकात सिल्लोडकरांशी संवाद साधला होता. त्याच्या २० वर्षांनंतर ठाकरे कुटुंबातील सदस्याची सभा होत आहे. यावेळी शिवसेना नेते चंद्रकांत खैरे, भाजप जिल्हाध्यक्ष एकनाथ जाधव, म्हाडाचे विभागीय चेअरमन संजय केनेकर, शिवसेना जिल्हाप्रमुख आमदार अंबादास दानवे व नरेंद्र त्रिवेदी, शिक्षक सेनेचे पद्माकर इंगळे उपस्थित राहणार आहेत. या सभेला उपस्थित राहावे, असे आवाहन भाजप प्रदेश सदस्य मच्छिंद्र पाखरे, जिल्हा उपाध्यक्ष राजेंद्र ठोंबरे, भाजयुमो तालुकाध्यक्ष मंगेश सोहनी, शिवसेना तालुकाप्रमुख किशोर अग्रवाल (सिल्लोड), दिलीप मचे (सोयगाव) यांनी केले आहे.
उद्धव ठाकरे यांची उद्या सिल्लोड येथे सभा
शिवसेनेचे उमेदवार अब्दुल सत्तार यांच्या प्रचारार्थ शहरातील जिल्हा परिषद शाळेच्या प्रांगणात रविवारी (१३ ऑक्टोबर) सकाळी १० वाजता शिवसेना पक्षप्रमुख ...
महाराष्ट्र टाइम्स.कॉम 12 Oct 2019, 4:00 am