औरंगाबाद - प्रसिद्ध नृत्यांगना व महागामी संस्थेच्या संचालक पार्वती दत्ता यांच्या कलात्मक प्रवासावर आधारीत वैखरी माहितीपटाची पाँडेचरी आंतरराष्ट्रीय चित्रपट महोत्सवात निवड झाली आहे. येत्या २६ ते ३० सप्टेंबर या कालावधीत महोत्सव होणार आहे. चित्रपट निर्माता लुब्धक चटर्जी यांनी चित्रपटात पढंत या विषयाला केंद्रस्थानी ठेवले आहे. पढंत म्हणजे पठण. ही स्मृती सहाय्यक अक्षरांची माला भारतीय नृत्य आणि वादनात सहाय्यक ठरते. चटर्जी यांनी दत्ता यांच्या कलात्मक प्रवासातून 'वैखरी' माहितीपटाची निर्मिती केली आहे. या माहितीपटाचे चित्रीकरण महागामी परिसर आणि वेरुळ लेणी येथे झाले आहे. ओपन फ्रेम फेस्टिव्हल (दिल्ली) आणि वुडपेकर इंटरनॅशनल फिल्म फेस्टिव्हलमध्ये 'वैखरी' दाखवला जाणार आहे.
आंतरराष्ट्रीय चित्रपट महोत्सवात ‘वैखरी’
औरंगाबाद - प्रसिद्ध नृत्यांगना व महागामी संस्थेच्या संचालक पार्वती दत्ता यांच्या कलात्मक प्रवासावर आधारीत वैखरी माहितीपटाची पाँडेचरी आंतरराष्ट्रीय ...
Maharashtra Times 17 Sep 2018, 4:00 am