औरंगाबाद ः ए.एस. क्लब ते पैठण रोडला जोडणारा साडेचार किलोमीटरचा रस्ता तयार होऊन तीन वर्षे उलटून गेले. या रस्त्यावरून वाहतूकही सुरू झाली. महाराष्ट्र राज्य रस्ते विकास महामंडळाने (एमएसआरडीसी) हा रस्ता तयार केला. रस्ता बनविल्यानंतर नियमाने तो संबंधित यंत्रणेकडे हस्तांतरित करणे आवश्यक आहे, मात्र अद्याप ही प्रक्रियाच पूर्ण झालेली नाही. विशेष म्हणजे हा रस्ता सार्वजनिक बांधकाम विभागाकडे हस्तांतरित करायचा की सिडकोकडे, असा संभ्रम यंत्रणेसमोर आहे. या संभ्रमाचा फटका रस्ता दुरुस्तीला बसला आहे.
एमएसआरडीसीच्या औरंगाबाद रस्ते एकात्मिक विकास योजनेंतर्गत ए.एस. क्लब ते पैठण रोड हा लिंक रोड तयार केला. जमीन संपादन करण्यापासून अनेक अडचणी आल्या होत्या. साडेचार किलोमीटरपैकी बहुतांश जमीन सिडकोच्या मालकीची आहे. एप्रिल २०१४मध्ये हा रस्ता वाहतुकीसाठी खुला करण्यात आला. जालना, लातूर, नांदेडकडून येणारी व पुणे, मुंबई, वाळूजला जाणारी जड वाहतूक बीड बायपासमार्गे या रस्त्यावरून सुरू झाल्याने जालना रस्त्यावरील ताण कमी झाला. जडवाहतुकीचे प्रमाण जास्त असल्याने पहिल्याच वर्षी रस्ता खराब झाला होता, मात्र कंत्राटदाराच्या निविदेतील अटीप्रमाणे तीन वर्षांचा दोष निवारण कालावधी होता. त्यामुळे तीन वर्षे दुरुस्ती केली गेली. यंदा पावसाळ्याच्या सुरवातीपासून पैठण लिंक रोडवर मोठ्या प्रमाणावर खड्डे पडले आहेत. त्याची दुरुस्ती कोण करणार? असा प्रश्न निर्माण झाला आहे. सूत्रांनी दिलेल्या माहितीनुसार; हा रस्ता अद्याप ‘एमएसआरडीसी’कडून हस्तांतरित झालेला नाही, मात्र ‘एमएसआरडीसी’कडून हा रस्ता ‘पीडब्ल्यूडी’कडे हस्तांतरित केल्याचा दावा केला जात आहे. वास्तविक रस्ता सिडकोच्या कार्यक्षेत्रात असल्याने नियमानुसार पैठण लिंक रोड सिडकोकडे हस्तांतरित करणे आवश्यक असल्याचे मत एमएसआरडीसीतील सूत्रांनी व्यक्त केले. सिडकोकडे रस्ता दिल्यानंतर देखभाल व दुरुस्तीसाठी पुढे सिडको पीडब्ल्यूडीकडे रस्ता हस्तांतरित करू शकते, पण पहिल्या टप्प्यात मात्र रस्ता सिडकोकडेच दिला पाहिजे, असे त्यांनी स्पष्ट केले.
हा रस्ता ‘पीडब्ल्यूडी’कडे हस्तांतरित केला आहे. त्यामुळे देखभाल दुरुस्तीच्या विषय त्यांच्या अखत्यारित आहे.
- सुनील देशमुख, अधीक्षक अभियंता, एमएसआरडीसी
पैठण लिंक रोड हस्तांतराबाबत आम्हाला एमएसआरडीसीचे पत्र प्राप्त झाले आहे. दोन्ही संस्थांकडून पाहणी झाल्यानंतर पुढील निर्णय होईल. - अतुल चव्हाण, अधीक्षक अभियंता, पीडब्ल्यूडी
एमएसआरडीसीच्या औरंगाबाद रस्ते एकात्मिक विकास योजनेंतर्गत ए.एस. क्लब ते पैठण रोड हा लिंक रोड तयार केला. जमीन संपादन करण्यापासून अनेक अडचणी आल्या होत्या. साडेचार किलोमीटरपैकी बहुतांश जमीन सिडकोच्या मालकीची आहे. एप्रिल २०१४मध्ये हा रस्ता वाहतुकीसाठी खुला करण्यात आला. जालना, लातूर, नांदेडकडून येणारी व पुणे, मुंबई, वाळूजला जाणारी जड वाहतूक बीड बायपासमार्गे या रस्त्यावरून सुरू झाल्याने जालना रस्त्यावरील ताण कमी झाला. जडवाहतुकीचे प्रमाण जास्त असल्याने पहिल्याच वर्षी रस्ता खराब झाला होता, मात्र कंत्राटदाराच्या निविदेतील अटीप्रमाणे तीन वर्षांचा दोष निवारण कालावधी होता. त्यामुळे तीन वर्षे दुरुस्ती केली गेली. यंदा पावसाळ्याच्या सुरवातीपासून पैठण लिंक रोडवर मोठ्या प्रमाणावर खड्डे पडले आहेत. त्याची दुरुस्ती कोण करणार? असा प्रश्न निर्माण झाला आहे. सूत्रांनी दिलेल्या माहितीनुसार; हा रस्ता अद्याप ‘एमएसआरडीसी’कडून हस्तांतरित झालेला नाही, मात्र ‘एमएसआरडीसी’कडून हा रस्ता ‘पीडब्ल्यूडी’कडे हस्तांतरित केल्याचा दावा केला जात आहे. वास्तविक रस्ता सिडकोच्या कार्यक्षेत्रात असल्याने नियमानुसार पैठण लिंक रोड सिडकोकडे हस्तांतरित करणे आवश्यक असल्याचे मत एमएसआरडीसीतील सूत्रांनी व्यक्त केले. सिडकोकडे रस्ता दिल्यानंतर देखभाल व दुरुस्तीसाठी पुढे सिडको पीडब्ल्यूडीकडे रस्ता हस्तांतरित करू शकते, पण पहिल्या टप्प्यात मात्र रस्ता सिडकोकडेच दिला पाहिजे, असे त्यांनी स्पष्ट केले.
हा रस्ता ‘पीडब्ल्यूडी’कडे हस्तांतरित केला आहे. त्यामुळे देखभाल दुरुस्तीच्या विषय त्यांच्या अखत्यारित आहे.
- सुनील देशमुख, अधीक्षक अभियंता, एमएसआरडीसी
पैठण लिंक रोड हस्तांतराबाबत आम्हाला एमएसआरडीसीचे पत्र प्राप्त झाले आहे. दोन्ही संस्थांकडून पाहणी झाल्यानंतर पुढील निर्णय होईल. - अतुल चव्हाण, अधीक्षक अभियंता, पीडब्ल्यूडी