म. टा. प्रतिनिधी, औरंगाबाद
योग दिनाचे औचित्य साधून बाबासाई एड्सग्रस्त बालगृहातील मुलांसाठी बुधवारपासून आठ दिवसांच्या योग शिबिराचे आयोजन करण्यात आले आहे. हा उपक्रम आधार फाउंडेशन व साधना योग केंद्रातर्फे घेण्यात आला आहे. योगशिक्षिका आरती देसाई या योगासन व प्राणायमचे प्रशिक्षण देत आहेत.
योगसन अणि प्राणायमामुळे रक्ताभिसरण क्रिया चांगली होते, कोणत्याही आजाराशी लढण्याची ताकद निर्माण होते. आठ दिवसांच्या शिबिरानंतर नक्कीच या मुलांमध्ये एक चैतन्य निर्माण होईल, असे मत योगशिक्षिका देसाई यांनी मांडले. आधारचे संग्राम पवार, सचिन वाहुळकर, रणजित साळुंके, सिद्धार्थ साळवे, व्यंकटेश जोशी, प्रथमेश दुधगावकर, अक्षय कासलीवाल जैन आदी उपस्थित होते.