म. टा. प्रतिनिधी, औरंगाबाद
'वंचित बहुजन आघाडीसोबत फक्त लोकसभा निवडणुकीपुरती आघाडी नव्हती. तर आघाडीच्या माध्यमातून अॅड. प्रकाश आंबेडकरांसारखे सशक्त नेतृत्व देशात उभे करण्याचा प्रयत्न होता. आघाडी व्हावी, अशी आमची आताही इच्छा आहे, तुम्हीच त्यांची समजूत काढा', असा सल्ला 'एमआयएम'चे पक्षप्रमुख खासदार असदुद्दीन ओवेसी यांनी 'वंबआ'च्या पदाधिकाऱ्यांना दिला.
शहरातील बुधवारची प्रचार सभा आटोपून खासदार ओवेसी हे गुरुवारी सकाळी धुळ्याकडे निघाले असता 'वंबआ'च्या मेघानंद जाधव यांच्यासह स्थानिक पदाधिकाऱ्यांनी त्यांची हॉटेल ताजमध्ये भेट घेतली. 'वंबआ'चे मध्यचे उमेदवार अमित भुईगळ यांना जाहीर पाठिंबा द्यावा, अशी गळ त्यांनी घातली. मात्र, भुईगळ यांना पाठिंबा देण्याऐवजी तुम्हीच बाळासाहेबांची समजूत काढा, असा सल्ला दिला. या भेटीचा व्हीडिओही व्हायरल झाला असून त्याबद्दल 'वंबआ'कडून प्रतिक्रिया आलेली नाही.
…
\B'वंचित'ला पश्चिम देण्याची तयारी \B
'आमचे मन स्वच्छ आहे, तुम्हीही मन स्वच्छ करा. औरंगाबाद मध्यची जागा सोडणार नाही, 'वंचित'साठी आजही औरंगाबाद पश्चिमची जागा सोडण्यास तयार आहे,'असा निरोप ओवेसी यांनी त्यांना भेटलेल्या कार्यकर्त्यांमार्फत आंबेडकरांना दिला आहे.