Ashti Train: मराठवाड्यासाठी गुड न्यूज! नगरहून बीड जिल्ह्यात ट्रेनने जाता येणार, वेळापत्रकही जाहीर

बीड : मराठवाड्यातील नागरिकांसाठी एक चांगली बातमी आहे. बीडमधील आष्टी ते अहमदनगर या ६६ किमीच्या रेल्वे मार्गावर उद्घाटनानंतर नियमित रेल्वे चालवण्यात येणार आहे. रेल्वेकडून आता यासंदर्भात वेळापत्रकही ( Ahmednagar To Ashti Train Time Table ) जाहीर करण्यात आले आहे.

रेल्वेकडून २४ सप्टेंबरपासून चालवल्या जाणाऱ्या रेल्वेसेवेचं वेळापत्रक जाहीर करण्यात आला आहे. रविवार वगळता आठवड्यातील सहा दिवस नगर-आष्टी आणि आष्टी-नगर या मार्गावर ही रेल्वे सेवा चालवण्यात येणार आहे. ही ट्रेन नगरहून निघाल्यानंतर नारायणडोह, नवीन लोणी, सोलापूरवाडी, नवीन धानोरा, कडा या स्थानकांवर ट्रेनला थांबा देण्यात आला आहे.

जखमी अवस्थेत नातेवाईकांनी 'तिला' कचरा कुंडीत आणून सोडलं; माणुसकीचं विदारक सत्य

पुढील सूचनेपर्यंत रेल्वेचा वेग हा मर्यादितच ठेवण्यात येणार आहे, अशी माहिती रेल्वेकडून देण्यात आली आहे. नगरहून पहिली ट्रेन दररोज सकाळी ७.४५ ला सुटणार आहे. ही ट्रेन आष्टीत १०.३० वाजता पोहोचेल. आष्टीहून स. ११ वाजता ट्रेन सुटेल, तर नगरमध्ये ही ट्रेन दुपारी १.५५ वाजता पोहोचेल, असे रेल्वे वेळापत्रकात म्हटले आहे.

Beed News : गुटख्याने भरलेली टोपली भेट, एफडीए उपायुक्तांचा राष्ट्रवादीकडून अनोखा सत्कार

मुख्यमंत्री एकनाथ शिंदे, केंद्रीय रेल्वे राज्यमंत्री रावसाहेब दानवे आणि उपमुख्यमंत्री देवेंद्र फडणवीस यांच्या आदरणीय उपस्थितीत नवीन आष्टी - अहमदनगर रेल्वे मार्गाचे उद्घाटन करतील आणि नवीन आष्टी - अहमदनगर डेमू (DEMU) सेवेच्या उद्घाटनाच्या सेवेला उद्या २३ सप्टेंबरला हिरवा झेंडा दाखवतील.

पार्श्वभूमी आणि फायदे

> ६६ किमी नवीन आष्टी-अहमदनगर ब्रॉडगेज लाइन २६१ किमी अहमदनगर - बीड- परळी वैजनाथ नवीन ब्रॉडगेज लाइन प्रकल्पाचा एक भाग आहे. ज्यामध्ये भारत सरकार आणि राज्य सरकार यांचा ५०-५० टक्के खर्चाचा वाटा आहे.

> डेमू (DEMU) सेवा नवीन आष्टी - अहमदनगर पट्ट्यातील रहिवाशांना आणि जवळपासच्या भागातील रहिवाशांना उत्तम कनेक्टिव्हिटी सुनिश्चित करेल.

> यामुळे स्थानिक व्यापार आणि उद्योगांना चालना मिळेल आणि त्यामुळे मराठवाडा क्षेत्राच्या सामाजिक - आर्थिक विकासाला चालना मिळेल.

> डेमू ट्रेन अहमदनगरहून सकाळी ०७.४५ वाजता सुटेल आणि न्यू आष्टीला सकाळी १०.३० वाजता पोहोचेल आणि परतीच्या प्रवासात न्यू आष्टी येथून सकाळी ११.०० वाजता सुटेल आणि दुपारी १.५५ वाजता अहमदनगर येथे पोहोचेल. ही गाडी रविवार वगळता दररोज धावणार आहे.

> कडा, नवीन धानोरा, सोलापूरवाडी, नवीन लोणी आणि नारायणडोहो येथे थांबेल.