पोलिसांच्या हाती लागली गोपनीय माहिती, हॉटेलमध्ये धाड टाकताच सापडलं मोठं घबाड

बीड: एका हॉटेलमध्ये विक्रीसाठी आणण्यात आलेला २५ किलो गांजा पोलिसांनी पकडला आहे. ही कारवाई गेवराई शहराजवळ करण्यात आली. याप्रकरणी पोलिसांनी एकाला ताब्यात घेतले आहे.

याप्रकरणी अधिक माहिती अशी की, गेवराई पोलिस ठाण्याचे साहय्यक पोलिस निरीक्षक प्रफूल्ल साबळे यांना बाह्यवळण रस्त्याजवळच्या हॉटेलमध्ये २५ किलो गांजा विक्रीसाठी येत असल्याची माहिती मिळाली. यावरून मध्यरात्री पोलिसांच्या पथकाने तात्काळ हॉटेलमध्ये जाऊन झडती घेतली असता २५ किलो गांजा सापडला. याप्रकरणी पोलिसांनी गौसखान अमनउल्ला खान वय ४५ वर्ष, रा.गेवराई याला अटक केली आहे. या प्रकरणाचा अधिक तपास पोलीस करत आहेत मात्र आता जिल्ह्याभरात याआधी देखील अमली पदार्थाची जोरदार विक्री सुरू असल्याचं पाहायला मिळालं.

वाचाः पुणेकर तरुणाचा प्रताप, स्वतःच्याच बंगल्याला अन् गाडीला आग लावली; नंतर तमाशाला जाऊन बसला

जिल्हाभरात गांजा आणि नशेचे इतर साहित्य हे गल्लोगल्ली मिळताना पाहायला मिळतात मात्र यावर पोलीस प्रशासन कारवाई का करत नाही असं प्रश्न सध्या नागरिक उपस्थित करत आहेत. परळी, गेवराई, आष्टी, अंबाजोगाई या तालुक्यांमध्ये सर्रास तरुण टोळकी ही नशा पाणी करून लोकांना लुटण्याचा काम आणि हप्ते गोळा करण्याचे काम देखील या ठिकाणी याआधी देखील अनेक घटनेतून पाहायला मिळालं.

वाचाः कुनोतून आली वाईट बातमी; मादी चित्त्याची प्रकृती खालावली, किडनीला संसर्ग, डॉक्टर म्हणतात...