परळीत वातावरण तापलं, पंकजा मुंडेंच्या कार्यालयासमोर भाजप-काँग्रेसचे नेते आमने-सामने

बीड : परळीत भाजपा विरुद्ध काँग्रेस दोन्ही पक्ष्याचे कार्यकर्ते आमने सामने आले आहेत. "मोदी माफी मांगो"आंदोलन करण्यासाठी परळी शहर काँग्रेसच्यावतीने भाजपाच्या राष्ट्रीय सचिव पंकजा मुंडे यांच्या परळी येथील संपर्क कार्यालयासमोर आंदोलन करत असताना भाजप कार्यकर्त्यांना हस्तक्षेप केला. यावेळी दोन्ही कार्यकर्त्यांनी एकमेकांविरोधात घोषणाबाजी केली. काही काळ तणावाचे वातावरण निर्माण झाले होते. पोलीस प्रशासनाने मध्यस्थी करत दोन्ही आंदोलकांना परत पाठवले.

पंतप्रधान नरेंद्र मोदी यांनी केलेल्या विधानाचा जाहीर निषेध करण्यासाठी परळी शहर काँग्रेसच्यावतीने भाजपाच्या राष्ट्रीय सचिव पंकजा मुंडे यांच्या परळी येथील संपर्क कार्यालयासमोर "मोदी माफी मांगो" आंदोलन करण्यासाठी आले. मात्र, यावेळी काँग्रेस पक्षाचे बीड जिल्हाध्यक्ष राजेसाहेब देशमुख परळी शहर अध्यक्ष बहादूर भाईसह काँग्रेसच्या आघाडीच्या पदाधिकारी या आंदोलनात सहभागी झाले होते. या सर्वांना भाजपच्या कार्यकर्त्यांनी आणि पदाधिकाऱ्यांनी पंकजा मुंडे यांच्या कार्यालायसमोर येऊ दिले नाही. 'हर हर मोदी, घर घर मोदी'च्या घोषणा देत राहुल गांधी यांचं नाव न घेता त्यांच्याविरोधात घोषणाबाजी करत आंदोलन केलं.

अरेच्चा! विवाहित पुरुषांच्या बायकोविरोधात १२७ तक्रारी, कारण वाचून तुम्हीही हादराल
मात्र, या सगळ्या प्रकारामुळे शहरात मोठ्या प्रमाणात तणावाचं वातावरण निर्माण झाल्याने हा गोंधळ काही वेळ लोकांच्या लक्षात आलाच नाही. दोन गटातील कार्यकर्ते आमने-सामने आल्याने पोलीस प्रशासनाच्या मध्यस्थीने हे वातावरण शांत करण्यात आलं होतं.