अ‍ॅपशहर

माफियाराज असेल तर नाव घेऊन बोला; धनंजय मुंडेंचे पंकजांना थेट आव्हान

भाजप नेत्या पंकजा मुंडे यांनी आज एक कार्यक्रमात राष्ट्रवादी काँग्रेसचे नेते व बीडचे पालकमंत्री धनंजय मुंडे यांच्यावर जोरदार टीका केली होती.

Authored byटीम मटा ऑनलाइन | महाराष्ट्र टाइम्स.कॉम 25 Jan 2022, 7:16 pm
बीडः भाजप नेत्या पंकजा मुंडे यांनी आज एक कार्यक्रमात राष्ट्रवादी काँग्रेसचे नेते व बीडचे पालकमंत्री धनंजय मुंडे यांच्यावर जोरदार टीका केली होती. जिल्ह्यामध्ये मोठा प्रमाणात भ्रष्टाचार बोकाळलेला असून माफियाराज सुरू झाला आहे, असा आरोप पंकजा यांनी केला होता. पंकजा मुंडे यांच्या टीकेवर आता धनंजय मुंडे यांनीही प्रत्युत्तर दिलं आहे. तसंच, पंकजांनी नाव घेऊन बोलावे, असं थेट आव्हान यांनी दिलं आहे.
महाराष्ट्र टाइम्स.कॉम dhananjay-munde


आज बीड जिल्ह्यातील केज पंचायत समितीच्या नूतन इमारतीच्या उद्घाटन प्रसंगी पंकजा मुंडे यांनी उपस्थित लावली होती. त्या कार्यक्रमात बोलत असताना त्यांनी धनंजय मुंडे यांच्यावर निशाणा साधला होता. सुरुवातीला आम्ही दोन वर्ष शांत बसलो होतो. राजकारण नको म्हणून कोणावर टीकाटिप्पणी केली नाही. मात्र आज बीड जिल्ह्यामध्ये सुरू असलेल्या माफियाराज आणि सामान्य लोकांची लूट पाहावत नाही. म्हणून रस्त्यावर उतरून न्याय मागणार असल्याची भूमिका पंकजा मुंडे यांनी बोलून दाखवली आहे.

पंकजा मुंडे यांच्या टीकेला धनंजय मुंडे यांनी उत्तर दिलं आहे. पंकजा मुंडे यांना बोलताना भान राहत नसल्याचे म्हणत धनंजय मुंडे यांनी पंकजा मुंडेंवर निशाणा साधला आहे. बीड जिल्ह्याची बदनामी त्या स्वतः करतात. किमान ज्या ठिकाणी जन्माला आलो तिथला अभिमान असला पाहिजे. इतर कोणताही मुद्दा मिळाला नाही, की काहीतरी बोलायचं. जर माफियाराज असेल तर नाव घेऊन बोला, असे थेट आव्हान धनंजय मुंडे यांनी पंकजा मुंडे यांना दिलं आहे.

काय म्हणाल्या पंकजा मुंडे?

'काम करत असताना कधी भेदभाव करायचा नाही, किती योजना आणल्या? आपल्या जिल्ह्याला आपला पालकमंत्री काय देतो हा हिशोब करायची बीड जिल्ह्याला सवय नाही. आमच्या जिल्ह्याचा पालकमंत्री राज्याला काय देतो? देशाला काय देतो? हा अभ्यास करायची बीड जिल्ह्याला सवय आहे. तुम्ही कधी पदर पसरून काही मागून आणण्याची गरज बीड जिल्ह्याला भासलीच नाही.' असं पंकजा मुंडे म्हणाल्या.

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज