रुग्णालयात भीषण आग; रक्तपेढी रूम जळून खाक, आग विझवण्यासाठी साहित्य उपलब्ध नव्हेत

बीड : बीड जिल्ह्यातील परळी तालुक्यात उपजिल्हा रुग्णालयातील रक्तपेढी रूमला अचानक आग लागल्याने सगळ्यांचा एकच गोंधळ उडाला. अचानक धूर येत असल्याने बाजूच्या वॉर्डमधील रुग्णांना दुसऱ्या वार्डमध्ये हलवण्यात आले. रक्तपिशवी ज्या कुलिंग फ्रिजमध्ये ठेवली जाते त्याला शॉर्टसर्किटमुळे आग लागल्याने ही घटना घडल्याचा प्राथमिक माहिती समोर येते आहे.

परळीतील उपजिल्हा रुग्णालय येथे रक्तपेढी रूमला अचानक आग लागली. कोणाला कळण्याच्या आधीच आगीने रौद्ररुप घेतले. आगीमधून निघणारा धुराचा सगळा लोट बाजूच्या वॉर्डमध्ये जात असल्याने तेथील सर्व रुग्ण दुसऱ्या वार्डमध्ये शिफ्ट करण्यात आले. प्राथमिक स्वरूपात लागलेली ही आग विझवण्यासाठी रुग्णालयात कोणतेही साहित्य उपलब्ध नव्हेत. त्यानंतर अग्निशामक दलाला पाचारण करण्यात आले. मात्र रूमपर्यंत जाण्यासाठी अग्निशामक दलातील जवानांना शक्य होत नव्हते. कारण रुग्णालयाच्या आतपर्यंत जाणारा रस्ता अरुंद होता.

वाचा- पाकिस्तानला धडा शिकवलेला दिवस; धोनीच्या नेतृत्वाखाली भारताने घडवली होती अद्दल

अखेर जवानांनी अनेक पाईप जोडून तिथपर्यंत पोहोचले. त्यानंतर ही आग आटोक्यात आली. आग शॉर्ट सर्किटमुळे लागल्याची प्राथमिक माहिती समोर येत आहे. मात्र या निमित्ताने अनेक प्रश्न उपस्थित होत आहेत.

वाचा- टी-२० वर्ल्डकपमध्ये भारताचे सलामीवीर बदलणार; रोहितसोबत पुन्हा प्रयोग होणार

रुग्णालयात रुग्ण सुरक्षित नाहीत असे चित्र देखील यावेळी समोर आहे. रुग्णालयात प्राथमिक गोष्टी नसल्याने प्रशासन काय करते असा सवाल विचारला जात आहे. आग लागल्यानंतर रुग्ण भयभीत झाले होते. आगीत मोठ्या प्रमाणात नुकसान झाल्याची माहिती समोर येत आहे.

वाचा- विराटने दिले जगातील आघाडीच्या १५ जणांना ओपन चॅलेंज; मी येतोय, वर्ल्डकपसाठी...