फूड कॉर्नर ः पावसाच्या सरींसगे उस्मानभाईंची भजी
बाहेर पाऊस कोसळतोय. वातावरणात गारवा निर्माण झालेला. अ्न समोर गरमागरम भजे... खुसखुशीत, चवदार भजी ही कोकणवाडीतील उस्मानभाईंची खासियत. गेल्या ४० वर्षांपासून त्यांनी भजांचे वेगळेपण जपले आहे. त्यामुळेच त्यांच्या काउंटरभोवती कायम खवय्यांचा गराडा असतो...
Maharashtra Times 9 Jul 2016, 3:00 am
Shripad.kulkarni@timesgroup.com
भजी हा प्रत्येकाचा आवडता पदार्थ. पावसाला सुरुवात झाली की घरोघरी भजांची फर्माइश केली जाते. भजी करण्याची प्रत्येकाची पद्धतही वेगवेगळी असते. कुणी भजी करताना पिठात मसाले, जिरे, ओवा टाकतात. कुणी बटाटे, पालक यांचा वापर करतात. आळुच्या पानांचीही भजी केली जातात. कांदा भजे, पकोडे हे प्रकार बहुतेकांना आवडता. हरभरा डाळीच्या भजांप्रमाणे मूग डाळीचे भजेही अनेकांना आवडतात.
काही हॉटेल केवळ भज्यांसाठी प्रसिद्ध असतात. कोकणवाडीतील उस्मानभाईचे हॉटेलही त्यापैकीच एक. गेल्या सुमारे ४० वर्षांपासून उस्मानभाईंची भजी प्रसिद्ध आहेत. स्टेशन रोडवर अग्निशमन दलासमोर असलेल्या वडाच्या झाडाखाली त्यांची रोज गाडी उभी असे. गाडीभोवती दिवसभर खवय्यांची गर्दी असे. तेव्हापासून उस्मानभाईंची भजी प्रसिद्ध आहेत. पूर्वी स्टेशन रोडवर देवगिरी कॉलेजच्या विद्यार्थ्यांची गर्दी असे. उस्मानभाईंच्या भजांची गाडी हा विद्यार्थ्यांचा खास ठेपा होता. काही वर्षांपूर्वी कोकणवाडीतील जय टॉवर्समध्ये त्यांच्या हॉटेलचे स्थलांतर झाले.
भज्यांची गाडी सुरू करण्यापूर्वी उस्मानभाईंनी अनेक हॉटेलांत काम केले. ‘अनेक ठिकाणी काम करताना विविध पदार्थ बनविणे शिकलो. त्यातून मोठा अनुभव मिळाला. या अनुभवाच्या जोरावर स्वतःचा व्यवसाय सुरू केला. भजांसाठी दर्जेदार आणि ताज माल वापरला जातो. भजांची चव आणि ते गरम सर्व्ह केले जातात. त्यामुळे भजी खवय्यांच्या पसंतीला उतरली आहेत,’ असे उस्मानभाई सांगतात.
भज्यांसाठी चांगल्या दर्जाचा, ताजा माल वापरला जातो. हरभरा डाळीचे भरडा पीठ वापरले जाते. कांदा, हिरवी मिरची, मीठ मिसळून भज्याचे पीठ भिजविले जाते. पीठ भिजविण्यापूर्वीच कांदा, मिरच्या चिरल्या जातात. डाळीचे भरडा पीठ वापरल्यामुळे भजी खुसखुशीत होतात, असे ते सांगतात. गेल्या ४० वर्षांत त्यांच्या भज्यांची चव कायम आहे.
तळलेली मिरची आणि पाव यांच्यासोबत गरम भजी सर्व्ह केली जातात. ही भजी गरमगरम खाण्याची मजा काही औरच आहे. या खुसखुशीत भज्यांची चव दीर्घकाळ जिभेवर रेंगाळते. भजी खाण्यासाठी दिवसभर गर्दी असते. त्यात विद्यार्थी, तरुणांची संख्या मोठी आहे. भज्यांसाठी अनेकजण वेटिंगमध्ये असतात. खास उस्मानभाईंच्या हॉटेलातील भजे खाण्यासाठी शहरभरातून खवय्ये येतात.
भजी हा प्रत्येकाचा आवडता पदार्थ. पावसाला सुरुवात झाली की घरोघरी भजांची फर्माइश केली जाते. भजी करण्याची प्रत्येकाची पद्धतही वेगवेगळी असते. कुणी भजी करताना पिठात मसाले, जिरे, ओवा टाकतात. कुणी बटाटे, पालक यांचा वापर करतात. आळुच्या पानांचीही भजी केली जातात. कांदा भजे, पकोडे हे प्रकार बहुतेकांना आवडता. हरभरा डाळीच्या भजांप्रमाणे मूग डाळीचे भजेही अनेकांना आवडतात.
काही हॉटेल केवळ भज्यांसाठी प्रसिद्ध असतात. कोकणवाडीतील उस्मानभाईचे हॉटेलही त्यापैकीच एक. गेल्या सुमारे ४० वर्षांपासून उस्मानभाईंची भजी प्रसिद्ध आहेत. स्टेशन रोडवर अग्निशमन दलासमोर असलेल्या वडाच्या झाडाखाली त्यांची रोज गाडी उभी असे. गाडीभोवती दिवसभर खवय्यांची गर्दी असे. तेव्हापासून उस्मानभाईंची भजी प्रसिद्ध आहेत. पूर्वी स्टेशन रोडवर देवगिरी कॉलेजच्या विद्यार्थ्यांची गर्दी असे. उस्मानभाईंच्या भजांची गाडी हा विद्यार्थ्यांचा खास ठेपा होता. काही वर्षांपूर्वी कोकणवाडीतील जय टॉवर्समध्ये त्यांच्या हॉटेलचे स्थलांतर झाले.
भज्यांची गाडी सुरू करण्यापूर्वी उस्मानभाईंनी अनेक हॉटेलांत काम केले. ‘अनेक ठिकाणी काम करताना विविध पदार्थ बनविणे शिकलो. त्यातून मोठा अनुभव मिळाला. या अनुभवाच्या जोरावर स्वतःचा व्यवसाय सुरू केला. भजांसाठी दर्जेदार आणि ताज माल वापरला जातो. भजांची चव आणि ते गरम सर्व्ह केले जातात. त्यामुळे भजी खवय्यांच्या पसंतीला उतरली आहेत,’ असे उस्मानभाई सांगतात.
भज्यांसाठी चांगल्या दर्जाचा, ताजा माल वापरला जातो. हरभरा डाळीचे भरडा पीठ वापरले जाते. कांदा, हिरवी मिरची, मीठ मिसळून भज्याचे पीठ भिजविले जाते. पीठ भिजविण्यापूर्वीच कांदा, मिरच्या चिरल्या जातात. डाळीचे भरडा पीठ वापरल्यामुळे भजी खुसखुशीत होतात, असे ते सांगतात. गेल्या ४० वर्षांत त्यांच्या भज्यांची चव कायम आहे.
तळलेली मिरची आणि पाव यांच्यासोबत गरम भजी सर्व्ह केली जातात. ही भजी गरमगरम खाण्याची मजा काही औरच आहे. या खुसखुशीत भज्यांची चव दीर्घकाळ जिभेवर रेंगाळते. भजी खाण्यासाठी दिवसभर गर्दी असते. त्यात विद्यार्थी, तरुणांची संख्या मोठी आहे. भज्यांसाठी अनेकजण वेटिंगमध्ये असतात. खास उस्मानभाईंच्या हॉटेलातील भजे खाण्यासाठी शहरभरातून खवय्ये येतात.