विजय चौधरी, खुलताबाद
बीड जिल्ह्यातील तांदळवाडी हवेली येथील तपोभूमी संगमेश्वर महादेव मंदिर येथील भगवान बालयोगी महाराज यांनी तांदळवाडी हवेली ते वेरूळ हे १७० किलोमीटर अंतर २४ दिवसांत लोटांगण घालत पार करून श्री घृष्णेश्वराचे दर्शन घेतले.
करोना विषाणू संसर्गाच्या पार्श्वभूमीवर श्री घृष्णेश्वर मंदिर बंद असल्याने त्यांना बाहेरून द्वार दर्शन घ्यावे लागले. जगाचे कल्याण व्हावे, सर्वांचे भले व्हावे, सर्वत्र सुख शांती लाभावी, भरपूर पर्जन्यमान होऊन सुजलाम सुफलाम व्हावे, यासाठी बीड जिल्ह्यातील तांदळवाडी हवेली ते वेरूळ लोटांगण घालत दर्शन केले.
मूळचे लिंबारुई येथील रहिवासी असलेले बालयोगी भगवान महाराज वयाच्या १२व्या वर्षांपासून अध्यात्मिक क्षेत्रात कार्यरत आहेत. तांदळवाडी हवेली (ता. जि. बीड) येथून १३ जुलैपासून त्यांनी लोटांगण यात्रेस सुरुवात केली. त्यांचे पाच ऑगस्ट रोजी वेरूळ येथे आगमन झाले. वेरूळ ग्रामस्थांतर्फे गणेश हजारी यांनी महाराजांचे स्वागत केले. श्री घृष्णेश्वर मंदिर देवस्थान ट्रस्टतर्फे संजय जोशी यांच्या हस्ते महाराजांचे पूजन करण्यात आले.
नागरिकांकडून मदतीचा हात
रस्त्यावरील वाहनांची पर्वा न करता लोटांगण घालत घृष्णेश्वराला निघालेले बालयोगी भगवान महाराज हे नागरिकांच्या कौतुकाचा विषय ठरत आहेत. त्यांना विविध गावांत शक्य तेवढी मदत केली जाते.
अनोख्या अनुष्ठानामुळे महाराज चर्चेत
बालयोगी भगवान महाराज अनोख्या साधना अनुष्ठानामुळे सतत चर्चेत असतात. त्यांनी दोन वर्षांपूर्वी तांदळवाडी ते परळी १२८ किलोमीटर अंतरावर लोटांगण घालत परळी वैजनाथाचे दर्शन केले आहे. दोन वर्षांपूर्वी ३५ दिवस दोन्ही पायांवर उभे राहून त्यांनी 'ओम नमः शिवाय'चा जप केला. वडाच्या झाडाला स्वतःला उलटे टांगून शीर्षासन अनुष्ठान केले आहे. काटेरी झुडपात निद्रा साधना केलेली आहे. एका पायावर सतत उभे राहून तपश्चर्या केलेली आहे. अमरनाथ व हिमालयात जाऊन साधना केली आहे.
बीड जिल्ह्यातील तांदळवाडी हवेली येथील तपोभूमी संगमेश्वर महादेव मंदिर येथील भगवान बालयोगी महाराज यांनी तांदळवाडी हवेली ते वेरूळ हे १७० किलोमीटर अंतर २४ दिवसांत लोटांगण घालत पार करून श्री घृष्णेश्वराचे दर्शन घेतले.
करोना विषाणू संसर्गाच्या पार्श्वभूमीवर श्री घृष्णेश्वर मंदिर बंद असल्याने त्यांना बाहेरून द्वार दर्शन घ्यावे लागले. जगाचे कल्याण व्हावे, सर्वांचे भले व्हावे, सर्वत्र सुख शांती लाभावी, भरपूर पर्जन्यमान होऊन सुजलाम सुफलाम व्हावे, यासाठी बीड जिल्ह्यातील तांदळवाडी हवेली ते वेरूळ लोटांगण घालत दर्शन केले.
मूळचे लिंबारुई येथील रहिवासी असलेले बालयोगी भगवान महाराज वयाच्या १२व्या वर्षांपासून अध्यात्मिक क्षेत्रात कार्यरत आहेत. तांदळवाडी हवेली (ता. जि. बीड) येथून १३ जुलैपासून त्यांनी लोटांगण यात्रेस सुरुवात केली. त्यांचे पाच ऑगस्ट रोजी वेरूळ येथे आगमन झाले. वेरूळ ग्रामस्थांतर्फे गणेश हजारी यांनी महाराजांचे स्वागत केले. श्री घृष्णेश्वर मंदिर देवस्थान ट्रस्टतर्फे संजय जोशी यांच्या हस्ते महाराजांचे पूजन करण्यात आले.
नागरिकांकडून मदतीचा हात
रस्त्यावरील वाहनांची पर्वा न करता लोटांगण घालत घृष्णेश्वराला निघालेले बालयोगी भगवान महाराज हे नागरिकांच्या कौतुकाचा विषय ठरत आहेत. त्यांना विविध गावांत शक्य तेवढी मदत केली जाते.
अनोख्या अनुष्ठानामुळे महाराज चर्चेत
बालयोगी भगवान महाराज अनोख्या साधना अनुष्ठानामुळे सतत चर्चेत असतात. त्यांनी दोन वर्षांपूर्वी तांदळवाडी ते परळी १२८ किलोमीटर अंतरावर लोटांगण घालत परळी वैजनाथाचे दर्शन केले आहे. दोन वर्षांपूर्वी ३५ दिवस दोन्ही पायांवर उभे राहून त्यांनी 'ओम नमः शिवाय'चा जप केला. वडाच्या झाडाला स्वतःला उलटे टांगून शीर्षासन अनुष्ठान केले आहे. काटेरी झुडपात निद्रा साधना केलेली आहे. एका पायावर सतत उभे राहून तपश्चर्या केलेली आहे. अमरनाथ व हिमालयात जाऊन साधना केली आहे.