Beed : पोटच्या मुलीचा बालविवाह लावणाऱ्या आईची पोलिसांनाच धमकी, 'तुमच्या समोर जीव देईन'

बीड : जिल्ह्यात बालविवाहाचे सत्र सुरूच आहे. चोरीछुपे बालविवाह करणाऱ्यांची संख्या देखील मोठी आहे. बीड शहरात आज बलभीम चौक परिसरात होत असलेला बालविवाह बाल हक्क समिती आणि सामाजिक कार्यकर्त्यांच्या सतर्कतेमुळे रोखण्यात यश आले आहे. मात्र यावेळी बालविवाह रोखण्यासाठी गेलेल्या पोलीस आणि बाल हक्क समितीला मुलीच्या आईने थेट पोलिसांना धमकी दिली. लग्न थांबवले तर तुमचे नाव घेऊन आत्महत्या करेल, अशी धमकी मुलीच्या आईने दिली.

बीड शहरात बालविवाह होत असल्याची माहिती बाल हक्क समितीला मिळाली. यानंतर बाल हक्क समितीचे कार्यकर्ते तत्त्वशील कांबळे यांनी पोलिस पथकासह घटनास्थळी धाव घेत बालविवाह रोखला. यावेळी नातेवाईक आणि बालसमिती पथकात बाचाबाची झाल्याने काही काळ तणाव निर्माण झाला होता.

चुलत्याला मारलेल्या त्या आरोपीचा प्रताप; पोलिसांच्या वाहनांचा घडवून आणला अपघात, मोठा अनर्थ टळला

बालविवाह थांबून अल्पवयीन मुलगी आणि तिचे आई-वडील आणि नवऱ्या मुलाचे आई-वडील यांना पोलीस ठाण्यात आणण्यातले. या प्रकरणी पुढील कारवाई सुरू आहे, असे बालहक्क समितीचे सदस्य तत्त्वशील कांबळे यांनी सांगितले. तसेच मुलीच्या आईने बाल हक्क समितीशी वाद घालत धमकी दिल्याचेही तत्त्वशील कांबळे यांनी सांगितले. मात्र, न्यायालयाच्या आदेशानुसार बालविवाह रोखण्याचे बाल हक्क समितीने सांगितले.

मामे बहिणीला प्रेम प्रकरण समजलं, पळून जाण्याचा प्लॅनही उघड, बॉयफ्रेण्डच्या साथीने ताईकडूनच हत्या

दरम्यान, बालविवाहाचे परिणाम गंभीर असताना आजूनही बीड जिल्ह्यामध्ये मोठ्या प्रमाणात बालविवाह होत असल्याने चिंता व्यक्त केली जात आहे. अशिक्षित समाजातील लोकांसोबतच सुशिक्षित देखील बालविवाह करत असल्याचे धक्कादायक वास्तव समोर आले आहे.