तरुण जमले, उत्साहात सत्कार; संभाजीराजेंचा गुलाल लावून घेण्यास नकार; नेमकं काय घडलं?

बीड : छत्रपती संभाजीराजे भोसले तुळजापूर संभाजीनगरकडे जात असताना बीड गेवराई शहरामध्ये बायपासजवळ शिवप्रेमींनी त्यांचे जल्लोषात स्वागत केले. छत्रपतींच्या स्वागतासाठी जमलेल्या तरुणांनी त्यांना फेटा घातला. यावेळी एक तरुण छत्रपतींच्या कपाळावर गुलाल लावण्यास गेला. मात्र छत्रपतींनी त्यास नकार दिला.

छत्रपती संभाजीराजे तुळजापूर दौऱ्यावर आहेत. ते संभाजीनगरला जात असताना बीडमधील गेवराईत त्यांचे तरुणांनी उत्साहात स्वागत केले. यावेळी शिवप्रेमी आणि छावा संघटनेचे कार्यकर्ते मोठ्या संख्येने उपस्थित होते. छत्रपती संभाजीराजे भोसले यांचे फटाक्यांच्या आतिषबाजीने स्वागत करण्यात आले. यावेळेस त्यांना मोठ्या मानाने फेटा बांधण्यात आला. त्यांच्या खांद्यावर शाल पांघरण्यात आली.
अमेरिकेसारखे रस्ते राहू द्या, नगर-मनमाडचा ठेकेदार कुठे पळवून लावला? थेट गडकरींना रोकडा सवाल
छत्रपतींचे स्वागत होत असताना एका तरुणाने त्यांच्या कपाळी गुलाल लावण्याचा प्रयत्न केला. मात्र संभाजीराजे भोसले यांनी त्याला नकार दिला. संभाजीराजे छत्रपतींनी गुलाल लावण्यास नकार का दिला, असा प्रश्न तिथेत उपस्थित असलेल्या सगळ्यांनाच पडला. इतर वेळेस राजे कुंकू टिळा लावतात. मात्र गुलाल या पावडरची राजेंना ऍलर्जी आहे. त्यामुळे ते गुलाल लावणे टाळतात.
राष्ट्रवादीत असताना ढीगभर आरोप, भाजपमध्ये येताच चौकशी बंद, सरकार बदलल्यावर थेट मंत्रिपदाची लॉटरी!
कपाळावर गुलाल लावल्यास संभाजीराजेंना त्याचा त्रास होतो. पावडरमुळे रिऍक्शन होत असल्याने राजेंनी गुलाल लावून घेणे टाळले. ही बाब अनेकांना माहीत नसल्याने राजेंनी कपाळी गुलाल न लावून घेतल्याची चर्चा बीड शहरात सुरू झाली. व्हिडीओदेखील व्हायरल झाला. मात्र जवळच्याच कार्यकर्त्यांनी हा खुलासा केल्यानंतर याविषयीचा संभ्रम हा मिटला.