भंडारा : मोहाडी तालुक्यातील कांद्री येथे जनावरांची अवैध वाहतूक करणाऱ्या वाहनावर दगडफेक करण्यात आल्याने वाहक गंभीर जखमी झाला. या प्रकरणात आठ जणांना अटक करून मोहाडी न्यायालयात हजर केले असता त्यांना २३ नोव्हेंबरपर्यंत पोलिस कोठडी सुनावण्यात आली. तर दुसरीकडे याच प्रकरणात कर्तव्यात कसूर केल्याचा ठपका ठेवत आंधळगावचे ठाणेदार सुरेश मट्टामी व एका कर्मचाऱ्याला पोलिस अधीक्षकांनी निलंबित केल्याने पोलिस विभागात खळबळ उडाली आहे. याच प्रकरणात आणखी काही पोलिसांवर कारवाईची शक्यता आहे.
कत्तलखान्यात अवैध जनावरे घेऊन जाणाऱ्या वाहनावर कांद्रीजवळ दगडफेक झाल्याने वाहक मोहम्मद उस्मान (३७ ) रा. कामठी (जि. नागपूर) हा गंभीर जखमी झाला. सध्या तो अतिदक्षता विभागात दाखल आहे. या प्रकरणात शेख मोहसीन शेख नसीर (रा. कामठी) यांनी दिलेल्या तक्रारीवरून दगडफेक करणाऱ्या शेखर बडवाईक यांच्यासह सात जणांवर भादंवि कलम ३०७, ३४, १४३, १४७, १४८ आणि महाराष्ट्र पोलिस अधिनियमाच्या कलम १३५नुसार गुन्हा नोंदविण्यात आला. गुरुवारी रात्री बडवाईकला अटक करण्यात आली होती. शुक्रवारी बडवाईक याच्या माहितीवरून चंद्रशेखर सुखराम कारेमोरे (२८), विलास संपत गिऱ्हेपुंजे (३२), प्रज्वल प्रल्हाद जाधव (२२), प्रांजल सोमा बालपांडे (२४), नितीन केशवराव नागफासे (३०), कैलास रामदास खेवले (३२), श्रेयस राजेश गडपायले (१९) सर्व रा. कांद्री यांना अटक करण्यात आली. या सर्व आठ आरोपींना प्रथम श्रेणी न्यायदंडाधिकारी मोहाडी यांच्या न्यायालयात हजर करण्यात आले. पुढील तपासाकरिता पोलिसांच्या मागणीनुसार २३ नोव्हेंबरपर्यंत पोलिस कोठडीत ठेवण्याचा आदेश देण्यात आला.
कत्तलखान्यात अवैध जनावरे घेऊन जाणाऱ्या वाहनावर कांद्रीजवळ दगडफेक झाल्याने वाहक मोहम्मद उस्मान (३७ ) रा. कामठी (जि. नागपूर) हा गंभीर जखमी झाला. सध्या तो अतिदक्षता विभागात दाखल आहे. या प्रकरणात शेख मोहसीन शेख नसीर (रा. कामठी) यांनी दिलेल्या तक्रारीवरून दगडफेक करणाऱ्या शेखर बडवाईक यांच्यासह सात जणांवर भादंवि कलम ३०७, ३४, १४३, १४७, १४८ आणि महाराष्ट्र पोलिस अधिनियमाच्या कलम १३५नुसार गुन्हा नोंदविण्यात आला. गुरुवारी रात्री बडवाईकला अटक करण्यात आली होती. शुक्रवारी बडवाईक याच्या माहितीवरून चंद्रशेखर सुखराम कारेमोरे (२८), विलास संपत गिऱ्हेपुंजे (३२), प्रज्वल प्रल्हाद जाधव (२२), प्रांजल सोमा बालपांडे (२४), नितीन केशवराव नागफासे (३०), कैलास रामदास खेवले (३२), श्रेयस राजेश गडपायले (१९) सर्व रा. कांद्री यांना अटक करण्यात आली. या सर्व आठ आरोपींना प्रथम श्रेणी न्यायदंडाधिकारी मोहाडी यांच्या न्यायालयात हजर करण्यात आले. पुढील तपासाकरिता पोलिसांच्या मागणीनुसार २३ नोव्हेंबरपर्यंत पोलिस कोठडीत ठेवण्याचा आदेश देण्यात आला.